Daniɛl 5:20 - NYANMIƐN NDƐ'N 1998

²⁰ Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Daniɛl 5:20 ပူးပေါင်းရင်းမြစ်များ

2 Famiɛn Mun 17:14

Sanngɛ b'a tie-man ndɛ nga be kan kleli be'n. Be yoli nyin kekle kɛ bé nannan'm bɔ b'a lafi-man Anannganman be Nyanmiɛn'n i su'n be sa.

2 Be Nyoliɛ 32:25

Sanngɛ sa kpa nga Anannganman yo mannin Ezekias'n, ɔ'a si-mɛn i wun ye. Ɔ tuli i wun dan, i ti Anannganman fɛli i wun ya, yɛ ɔ fali Zerizalɛmfuɛ mun nin Zidafuɛ'm bé wun ya.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Ezipt Lɔ Tulɛ'n 9:17

Sanngɛ, ɔ nin i sɔ'n ngba'n, a tɛ si i nvle'n i nyrun ce, ɔ waan a yaci-mɛn i sran'm be nun man be kɔ-man.

Ezipt Lɔ Tulɛ'n 9:7

Famiɛn'n sunmannin sran ko niannin Izraɛlfuɛ'm be wun lɔ, be wunnin kɛ Izraɛlfuɛ'm be nnɛn ba kun sa ɔ'a wu-man. Sanngɛ famiɛn'n i anwlɛn'n keteli ekun, kpɛkuun i waan ɔ yaci-man be nun nan be kɔ-man.

Nyanndra Mun 16:18

Bé nuan dilɛ'n yi be ase. Wun tulɛ'n kusu i sin sa'n yɛlɛ awieliɛ b'ɔ wie be'n.

Nyanndra Mun 16:5

Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Ezai 47:1

Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Zeremi 13:18

Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 48:18

Dibɔnfuɛ mun, Moab i nunnunfuɛ'n su ba amun su wie. Ɔ wa saci talɛ ng'ɔ sasa amun klɔ'n. Amun `jaso amun anyrunnyan dan'n nun amun tran asiɛ kee'n su.

Ezekiɛl 30:6

Anannganman wan yoo: ‹Be nga be suan Ezipt'n i bo'n, be ´tɔ yɛ i wunmiɛn ng'ɔ fa tu i wun'n ɔ ´kpɛ. Kɛ ɔ fɛ i Migdɔl lele fa ju Siɛni'n, alɛ'n ɔ ´di lɛ lika mun.› Anannganman Nyanmiɛn yɛ ɔ kan sɔ-ɔ.

Ezekiɛl 31:10

«I sɔ'n ti'n Anannganman Nyanmiɛn wan yoo: ‹Ɔ nyinnin dan. I ti'n ɔ tra bo'n nun lɔ waka mun. Ɔ fɛli i nyinlɛ'n ɔ tuli i wun.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 4:26

Afin, kɛ ɔ dili afuɛ kun'n, famiɛn'n wo Babilɔni lɔ i awlo lɔ ɔ su wlan-wlan i sua'n i ti su gbagblagba'n su.

Daniɛl 4:28

I nuan'n tɛ o ndɛ'n su kpɛkuun be osu kunngba'n nun lɛ be tili sran kun nnɛn nyanmiɛn su lɔ, ɔ seli i kɛ: «Famiɛn Nɛbikadnɛzar, sie ɔ́ su. Ɔ famiɛn diwlɛ'n ɔ'a fi ɔ́ sa.

Daniɛl 8:8

Boli kpakpuɛ'n ɔ nyannin wunmiɛn dan kpa. Sanngɛ kɛ ɔ nyannin fanngan juli i juwlɛ'n, kpɛkuun i wɛ dan'n buli. I wɛ nnan uflɛ be fifili klikli'n i osu'n nun. I wɛ sɔ'm be ti sroesroe, bé nyin kpɛ mɛn i bue nnan'm be su.

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Hébreu 3:13

Sanngɛ kɛ ɔ ´yo nan b'a laka-man amun nun wie nan ɔ'a yo-man sa tɛ ɔ'a kete-man'n, an `tu amun wun fɔ cɛn'n kwlaa bɔ be tɛ se kɛ: «Ndɛkɛn'n.»

1 Samiɛl 6:6

Nán amun yo nyin kekle kɛ Eziptfuɛ mun nin be famiɛn'n be yoli'n sa. Be yoli sɔ kusu-ɔ, Anannganman kleli be yalɛ kpa nan b'a yaci Izraɛlfuɛ'm be nun.