Daniɛl 5:2 - NYANMIƐN NDƐ'N 1998

² Kɛ nzan'n tili i'n, ɔ sunmannin sran kɛ be ko fa sika ɔkwlɛ klowa nin jɛtɛ ufue klowa nga i si Nɛbikadnɛzar ko fali be Zerizalɛm lɔ Nyanmiɛn i sua nun bali'n. I waan be su nzan be nun be man i bɔbɔ nin i sran dandan mun, nin i yi mun, ɔ nin i soman mun.

Daniɛl 5:2 ပူးပေါင်းရင်းမြစ်များ

2 Samiɛl 9:7

David seli i kɛ: «Nán srɛ kun wɔ. N wa yo wɔ ye ɔ́ si Zonatan dunman nun. N ´fa ɔ nannan Sail i asiɛ'n kwlaa n ´man wɔ. Yɛ kusu min nin wɔ e ´di like tititi.»

2 Famiɛn Mun 24:13

Nɛbikadnɛzar fali Anannganman i sua'n nin famiɛn sua'm be nun ninnge kpakpa mun, kɛ Anannganman fa kannin'n sa. Ɔ sacili sika ɔkwlɛ ninnge nga Salomɔn yoli bɔ be fa be sieli Anannganman i sua'n nun kɛ be fa su Anannganman'n.

2 Famiɛn Mun 25:15

Gladi difuɛ'm bé su kpɛn'n fali ninnge nga be fa tu nzuɛn'n nin klowa mun. Ninnge sɔ'm be kwlaa be ti sika ɔkwlɛ nin jɛtɛ ufue.

2 Be Nyoliɛ 11:20

I sin Rɔbɔam jali Absalɔm wa Maaka. Ɔ nin i be wuli ba yasua nnan. Be yɛ: Abiza, Atai, Ziza, ɔ nin Sɛlɔmit.

2 Be Nyoliɛ 15:16

Famiɛn Aza i nannan bla bɔ be flɛ i kɛ Maaka'n yili waka nga be taka bɔ be sɔ i'n i ba kun. I sɔ'n ti, Aza yoli man i nannan sɔ'n bɔ laa be flɛ i kɛ Bla Ndre'n, ɔ'a nyan-man nyrun kun. Aza tuli amuɛn ba sɔ'n bo, ɔ fufuli nun, yɛ ɔ ko wɔli nun Sedrɔn nzue ba'n nuan lɔ.

2 Be Nyoliɛ 36:10

I afuɛ nuan b'ɔ ´yia ekun'n, Nɛbikadnɛzar man be fɛ ɔli Babilɔni. Be fali Nyanmiɛn i sua'n nun ninnge kpakpa mun ɔli wie. Ɔ fali Zozakin niaan Sedesias sieli Zidafuɛ mun nin Zerizalɛmfuɛ'm be famiɛn.

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Ɛsdras 5:14

Yɛ Nyanmiɛn i sua b'ɔ o Zerizalɛm lɔ'n i nun sika ɔkwlɛ nin jɛtɛ ufue ninnge nga Nɛbikadnɛzar yili ko sieli Babilɔni amuɛn sua nun'n, Famiɛn Siris yili be Babilɔni amuɛn sua sɔ'n nun lɔ. Ɔ fali be wlali bian wie bɔ be flɛ i Sɛsbazar'n i sa nun. Ɔ sieli bian sɔ'n kpɛnngbɛn.

Zeremi 27:7

Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Zeremi 52:19

Gladi difuɛ'm bé su kpɛn'n fali ninnge nga be fa tu nzuɛn'n, nin sɛ mun, nin kannin siewlɛ mun, nin klowa mun, nin klowa nga be fa kpɛntɛn-kpɛntɛn nzue'n, ɔ nin ninnge nga be fa sika ɔkwlɛ nin jɛtɛ ufue yoli'n, ɔ fali be kwlaa.

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:13

Yɛ be fali Daniɛl ɔli famiɛn'n i nyrun lɔ-ɔ. Famiɛn'n ɔ usɛli i kɛ: «?Wɔ yɛ a suan Daniɛl nin-ɔn? ?A ti Zuif nga mín si b'ɔ ti famiɛn'n ko fali be kɛ kanga sa Zida lɔ bali'n be nun kun?

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Daniɛl 5:3

Be ko fali sika ɔkwlɛ klowa sɔ bɔ laa be o Zerizalɛm lɔ Nyanmiɛn i sua nun'n be bali. Famiɛn'n nin i sran dandan mun, nin i yi mun, ɔ nin i soman'm be kwlaa be nɔnnin nzan klowa sɔ'm be nun.

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Daniɛl 5:4

Be kwlaa sɔ'm be nɔnnin nzan, ɔ tili be kpa, kpɛkuun be manmannin amuɛn nga be fali sika ɔkwlɛ, nin jɛtɛ ufue, nin aaba, nin blalɛ, nin waka, ɔ nin yɛbuɛ be yoli'n.