Daniɛl 5:19 - NYANMIƐN NDƐ'N 1998

¹⁹ Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 5:19 ပူးပေါင်းရင်းမြစ်များ

2 Famiɛn Mun 25:28

Evil-Mɛrɔdak kannin ndɛ fɛfɛ mun kleli i. Yɛ ɔ yoli man ɔ nyannin nyrun trali famiɛn nga be nin i o Babilɔni lɔ'n.

Nyanndra Mun 16:14

Sɛ famiɛn kun fa ya'n, ɔ kwla kun sran, sanngɛ sɛ ngwlɛlɛfuɛ'n ɔ kpɛtɛ i lele'n, ɔ yaci.

Akunndanfuɛ'n 8:3

Nán jaso i bo, yɛ nán yo sa nga i klun klo-man su'n kɔ ɔ nyrun. Afin sa kwlaa nga famiɛn'n waan ɔ ´yo'n ɔ su yo.

Ezekiɛl 31:11

I sɔ'n ti yɛ n fɛ i n wlali famiɛn ng'ɔ kwla famiɛn'm be kwlaa asiɛ'n su wa i sa nun nin-ɔn. Ɔ wa yo i tɛtɛ kɛ i bɔbɔ i klunwi'n ɔ fa ti'n sa.

Daniɛl 11:12

Ezipt famiɛn'n ɔ wa fɛ i kwlalɛ sɔ'n fa tu i wun dan kpa. Ɔ nin i sɔ'n ngba'n, kannzɛ ɔ kunnin sran kpanngban'n, ɔ su kwla-man be guɛ-mɛn i ti nin i bo.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:3

Sanngɛ yasua sran kun wa jaso su Grɛk mɛn'n nun lɔ, ɔ wa yo famiɛn. Ɔ wa nyan nyrun dan. Like kwlaa nga i waan ɔ ´yo'n yɛ ɔ ´yo-ɔ.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 3:4

Ndolo bofuɛ'n kpannin kekle kpa seli kɛ: «Amun bɔ amun ti nvle'm be kwlaa be nunfuɛ'n bɔ amun fin mɛnmɛn'n kwlaa nun'n, bɔ amun ijɔ aniɛn wafa-wafa'n kwlaa'n, amun `sie amún su amun `tie.

Daniɛl 3:6

Sran kun nga i waan ɔ koto-man nan ɔ su-mɛn i wie'n, be `ka bé ja nun lɛ be trɛ i be jrɛ i fur bɔ sin o nun'n i nun.»

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 4:22

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. Nyansue'n ɔ wa bo wɔ. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun-ɔn, nan ɔ fa famiɛn bia'n man sran nga i klun klo kɛ ɔ ´fa mɛn i'n.

Abakik 2:5

Nanwlɛ, wunmiɛn'n ti tɛ: tutre difuɛ'm be tran-man diin mlɔnmlɔn. Be lɛ konvi kɛ blɔlɔ lɔ klɔ dan'n sa bɔ kannzɛ sran'm be ´wu sɛ sanngɛ ɔ flɛn-mɛn i'n. Be ti kɛ anannganman wie'n sa, bé nyin yi-man like. Asiɛ'n su nvle'm be kwlaa'n, tutrefuɛ sɔ'm be waan be yɛ be sie be-ɔ.

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Rɔmfuɛ Mun 13:1

Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .