Daniɛl 5:13 - NYANMIƐN NDƐ'N 1998

¹³ Yɛ be fali Daniɛl ɔli famiɛn'n i nyrun lɔ-ɔ. Famiɛn'n ɔ usɛli i kɛ: «?Wɔ yɛ a suan Daniɛl nin-ɔn? ?A ti Zuif nga mín si b'ɔ ti famiɛn'n ko fali be kɛ kanga sa Zida lɔ bali'n be nun kun?

Daniɛl 5:13 ပူးပေါင်းရင်းမြစ်များ

Ɛsdras 10:16

Izraɛlfuɛ kun nga'm be kplinnin su. Ɛsdras b'ɔ ti Nyanmiɛn nyrun jranfuɛ'n, ɔ fali akpasua'n kwlaa nun awlobo kpɛnngbɛn wie mun, be boboli bé dunman kunngunngun. Nan be sɔfuɛ'm b'a yia anglo blu'n i cɛn klikli'n su, nan b'a siesie sran'm be ndɛ'n.

Ɛsdras 10:7

I sin be boli ndolo sinnin Zerizalɛm nin Zida mɛn'n nun kɛ be kwlaa nga be fin kanga'n nun bali'n be `yia Zerizalɛm lɔ.

Ɛsdras 4:1

Zidafuɛ mun nin Bɛnzamɛnfuɛ'm be kpɔfuɛ'm be tili kɛ be nga be trali be lomuɛn bɔ be sali be sin be su kplan Anannganman b'ɔ ti Izraɛl Nyanmiɛn'n i sua'n.

Ɛsdras 6:16

Izraɛlfuɛ mun nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga be fin kanga'n nun bali'n, be yili Nyanmiɛn sua'n i nglo aklunjuɛ nun.

Daniɛl 1:1

Kɛ Zozakim b'ɔ ti Zida famiɛn'n ɔ trannin bia'n su'n, i afuɛ nsan su'n, Nɛbikadnɛzar b'ɔ ti Babilɔni famiɛn'n, ɔ nin i sonja'm be bali kɛ be nin Zerizalɛmfuɛ'm be ´kun. Be kpɛli be ngblaliɛ'n sin yiali klɔ'n.

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Daniɛl 1:21

Daniɛl suli famiɛn'n lele juli afuɛ nga Siris yoli famiɛn'n i nun .

Daniɛl 1:6

Daniɛl , nin Anania, nin Mikaɛl, ɔ nin Azaria bɔ be fin Zida akpasua'n su'n be o be nun wie.

Daniɛl 2:25

Arzɔk fɛli i ɔli famiɛn'n nyrun lɔ trɛlɛlɛ, nan ɔ'a se famiɛn'n kɛ: «Nannan, be nga bɔ a man be trali be Zida mɛn'n nun lɔ bali'n, m'an wun kun be nun b'ɔ kwla tu ɔ laliɛ'n i bo.»

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Daniɛl 5:2

Kɛ nzan'n tili i'n, ɔ sunmannin sran kɛ be ko fa sika ɔkwlɛ klowa nin jɛtɛ ufue klowa nga i si Nɛbikadnɛzar ko fali be Zerizalɛm lɔ Nyanmiɛn i sua nun bali'n. I waan be su nzan be nun be man i bɔbɔ nin i sran dandan mun, nin i yi mun, ɔ nin i soman mun.

Daniɛl 6:13

Kpɛkuun be ɔli trɛlɛlɛ be ko toli famiɛn'n yɛ be usɛli i kɛ: «?Nannan, w'a man-man mmla kɛ cɛn ba ablasan nga'm be nun'n sɛ sran kun ijɔ i amuɛn wie su annzɛ sɛ ɔ yaci wɔ lɛ nan ɔ manman sran uflɛ'n, be `to i sɔfuɛ'n be yi i asɔmɔli'm bé sin kunman'n nun?» Ɔ tɛli be su kɛ: «Kɛ n seli sɔ-ɔ, be kaci i-ɔ ɔ yo-man ye, ɔ ti kɛ e Medifuɛ nin e Pɛrsfuɛ e mmla'n sa, be kpɛ i wun-ɔn ɔ kpɛ-man.»

Daniɛl 8:1

«Kɛ famiɛn Bɛlsazar trannin bia'n su, i afuɛ nsan su'n, min bɔbɔ min Daniɛl, n wunnin aolia nun like uflɛ. Kɛ n wunnin klikli liɛ'n, i sin yɛ n wa wunnin ng'ɔ o yɛ'n ekun-ɔn.

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Jean 7:1

Kɛ ɔ yoli sɔ'n, i sin Jésus wlan-wlan Galile mɛn'n nun, ɔ klo-man kɛ ɔ wlan-wlan Zide mɛn'n n nun kun, afin Zuif'm be kunndɛ kɛ be ´kun i lɔ.

Jean 7:3

I niaan'm be seli i kɛ: «Jao wa kɔ Zide man ɔ sɔnnzɔnfuɛ'm be wun sa nga a yo be'n be wie.