Daniɛl 5:11 - NYANMIƐN NDƐ'N 1998

¹¹ Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:11 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

2 Samiɛl 14:17

N seli min wun ekun kɛ: ‹N lafi su kɛ ndɛ nga famiɛn'n b'ɔ ti min min'n ´kan'n, ɔ ´gua n wla ase yɛlɛ kɛ famiɛn'n b'ɔ ti min min'n, ɔ ti kɛ Nyanmiɛn i anz sa. Ɔ si tɛ nin kpa'n be ngbaciɛ. Man Anannganman ɔ Nyanmiɛn'n nin wɔ tran.› »

Ezekiɛl 28:3

A bu i kɛ, Daniɛl i ngwlɛlɛ liɛ'n ɔ ju-man ɔ liɛ'n nun, nan like fi ti-man fiawa ɔ nyrun.

Ezekiɛl 28:4

Wɔ akunndan'n nin ɔ ngwlɛlɛ'n bɔ a si i'n ti, a nyannin ɔ́ wun. A nyannin sika ɔkwlɛ nin jɛtɛ ufue wɔ anwlɛn su ninnge siewlɛ lika'n nun.

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Daniɛl 2:11

Nannan, sa nga a usali kɛ e yo i yɛ'n, ɔ ti kekle. Sran fi kwla tɛ-man su, san Nyanmiɛn Kpli yɛ ɔ kwla yo i sɔ sa liɛ nin-ɔn, yɛ kusu ɔ tran-man sran'm be afiɛn.»

Daniɛl 2:22

I yɛ ɔ yi sa nga bé bo ti kploun'n nin nvialiɛ nun sa'm be nglo-ɔ. I yɛ ɔ si like ng'ɔ fia aosin nun nin-ɔn, afin lika ng'ɔ kpaja weiin sin yiɛ i .

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 4:6

N seli i kɛ: ‹Bɛltsazar, a ti sa sifuɛ'm bé su kpɛn, n si kɛ Nyanmiɛn Kpli'n i wawɛ'n wo ɔ nun. I sɔ'n ti, nvialiɛ nun sa'm be wunlɛ ti-man kekle ɔ́ sa nun. Tutu laliɛ nga n cɛnnin'n i bo kle min.

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Sa nga bé yôli'n 12:22

Sran'm be kpan seli kɛ: «Nyanmiɛn su lɔ like wie yɛ ɔ su ijɔ-ɔ, nán sran-an!»

Sa nga bé yôli'n 14:11

Kɛ sran'm be wunnin sa nga Pɔl yoli'n, be kpannin Likaoni aniɛn'n nun kɛ: «Nyanmiɛn su lɔ ninnge bɔ be sɔ be'n, be yɛ b'a kaci sran b'a jra b'a ba e wun wa yɛ!»

Sa nga bé yôli'n 16:16

Kɛ e ´kɔ lika nga be nin Nyanmiɛn koko yalɛ lɔ'n, afanniɛn kun b'ɔ ti wunnzue yifuɛ'n, bɔ i wunnzue yilɛ sɔ'n nun ɔ nyan sika kpanngban man i min mun'n, ɔ bali ye atin kpalɛ.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .