Daniɛl 5:1 - NYANMIƐN NDƐ'N 1998

¹ Cɛn kun famiɛn Bɛlsazar yiɛli i sran dandan kɔe akpi kɛ be ko di like. Ɔ nɔnnin nzan be kwlaa be nyrun lɛ.

Daniɛl 5:1 ပူးပေါင်းရင်းမြစ်များ

Bo Bolɛ 40:20

Le nsan'n su'n, kɛ Ezipt famiɛn'n di i awuliɛ cɛn'n, ɔ flɛli i mantanfuɛ'm be kwlaa kɛ be wa di like, nan ɔ'a man nzan sufuɛ'm be su kpɛnngbɛn'n nin kpaun tɔnfuɛ'm be su kpɛnngbɛn'n bé sa su i mantanfuɛ'm be nyrun.

Ɛstɛr 1:3

i afuɛ nsan su'n, ɔ flɛflɛli i mɛn'n su kpɛnngbɛn mun, nin Pɛrs nin Medi sonja su kpɛn mun, ɔ nin nvle-nvle'm be siefuɛ mun, ɔ nin i akpasua su kpɛn mun. Ɔ flɛli be kɛ be wa di cɛn.

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 22:14

Anannganman b'ɔ sie mɛn wunmuan'n ɔ kannin ndɛ kleli min. I waan: «Fɔnlɛ nga amun fɔnnin yɛ'n, n su yaci cɛ-man nan amu'an wu.» Sa nga Anannganman b'ɔ sie mɛn wunmuan'n ɔ kannin'n yɛ ɔ o lɛ-ɔ.

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Zeremi 51:39

Kɛ awe'n ko ti be'n, n wa man be aliɛ fɛfɛ kpa man be ´di. Be ´di, be ´nɔn nzan'n lele be ´bo. Kpɛkuun lafilɛ nga be lafi-ɔ be tinnge-man'n yɛ be wa lafi-ɔ.» Anannganman'n yɛ ɔ kan sɔ-ɔ.

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .