Daniɛl 4:9 - NYANMIƐN NDƐ'N 1998

⁹ I nnya'm be ti klanman, yɛ i mma'm be sɔnnin kpa. I mma sɔ mun yɛ like kwlaa di-ɔ. Blo nnɛn'm be wa fiɛ i fɔnvɔ'n bo. Anunman'm be yo bé sua i sama'm be nun. I yɛ ɔ ta ninnge nga be de wunmiɛn bɔ Nyanmiɛn yili be'n be kwlaa-a.

Daniɛl 4:9 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

Ezai 33:18

Kpɛkuun amun ´bu srɛ ng'ɔ kunnin amun laa'n i akunndan. Yɛ amun wa usa amún wun kɛ: «?Sran ng'ɔ nian lapo'n su'n wo ninfan? ?Sran ng'ɔ tra lapo'n wo ninfan? ?Yɛ sran ng'ɔ nian klɔ'n i sasawlɛ sua'm be su'n wo ninfan?»

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezekiɛl 17:23

N ´tɛ i oka nga b'ɔ ti fleiin kpa Izraɛl lɔ'n i su. Ɔ ´nyan sama, yɛ ɔ ´su mma. Ɔ ´yo sɛdri klanman kpa. Anunman wafa'n kwlaa be ´ko trɛn i sama fleiin'm be fɔnvɔ'n bo.

Ezekiɛl 28:3

A bu i kɛ, Daniɛl i ngwlɛlɛ liɛ'n ɔ ju-man ɔ liɛ'n nun, nan like fi ti-man fiawa ɔ nyrun.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 4:8

Waka sɔ'n yoli fleiin kpa, yɛ ɔ trɛli kpa. I sama'm be ti tɛnndɛn kpa, be to nyanmiɛn b'ɔ la nglo lɔ plaii'n lɔ. Asiɛ'n i lika kwlaa nga be jran lɛ'n, bé nyin ta waka sɔ'n.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

1 Samiɛl 4:8

Y'a wu o! Wan yɛ e ´nyɛn i b'ɔ ´de ye Nyanmiɛn sroesroe nga i sa nun-ɔn. Nyanmiɛn sɔ'n yɛ ɔ fali sa kekle sunman yili i Eziptfuɛ'm bé su aawlɛ flɛnnɛn nun lɔ nin-ɔn.