Daniɛl 4:8 - NYANMIƐN NDƐ'N 1998

⁸ Waka sɔ'n yoli fleiin kpa, yɛ ɔ trɛli kpa. I sama'm be ti tɛnndɛn kpa, be to nyanmiɛn b'ɔ la nglo lɔ plaii'n lɔ. Asiɛ'n i lika kwlaa nga be jran lɛ'n, bé nyin ta waka sɔ'n.

Daniɛl 4:8 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

Ezai 46:1

Bɛl ɔ'a koto, Nɛbo ɔ'a klu. Amun fa be nzɔliɛ mun sie nnɛn nga be sua trɔ'n be su. Be sua be kɛ trɔ sa. Be kaci trɔ nɔnnin-nɔnnin nnɛn sɔ'm bɔ b'a fɛ'n be su.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Ezekiɛl 17:23

N ´tɛ i oka nga b'ɔ ti fleiin kpa Izraɛl lɔ'n i su. Ɔ ´nyan sama, yɛ ɔ ´su mma. Ɔ ´yo sɛdri klanman kpa. Anunman wafa'n kwlaa be ´ko trɛn i sama fleiin'm be fɔnvɔ'n bo.

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 2:11

Nannan, sa nga a usali kɛ e yo i yɛ'n, ɔ ti kekle. Sran fi kwla tɛ-man su, san Nyanmiɛn Kpli yɛ ɔ kwla yo i sɔ sa liɛ nin-ɔn, yɛ kusu ɔ tran-man sran'm be afiɛn.»

Daniɛl 2:26

Famiɛn'n usali Daniɛl bɔ be flɛ Bɛltsazar'n kɛ: «?A ´kwla kanngan laliɛ nga n cɛnnin'n kle min, yɛ a kwla tu i bo?»

Daniɛl 3:14

Famiɛn'n usali be kɛ: «?Sadrak, Mesak, Abɛd-Nego, sakpa-sakpa yɛ amun waan amun sɔ-man min amuɛn mun, nan amun koto-man sika ɔkwlɛ sran nga n takali'n i bo nin-ɔn?

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:9

I nnya'm be ti klanman, yɛ i mma'm be sɔnnin kpa. I mma sɔ mun yɛ like kwlaa di-ɔ. Blo nnɛn'm be wa fiɛ i fɔnvɔ'n bo. Anunman'm be yo bé sua i sama'm be nun. I yɛ ɔ ta ninnge nga be de wunmiɛn bɔ Nyanmiɛn yili be'n be kwlaa-a.

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.