Daniɛl 4:7 - NYANMIƐN NDƐ'N 1998

⁷ Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Daniɛl 4:7 ပူးပေါင်းရင်းမြစ်များ

Bo Bolɛ 41:24

Kpɛkuun kanngan tɛtɛ sɔ'm be mɛnnin nglanman mun. N kannin laliɛ sɔ'n n kleli atrɛ yifuɛ mun, be wie fi ɔ'a kwla tu-mɛn i bo ɔ'a kle-man min.»

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Jue Mun 37:35

Klunwifuɛ nga i sielɛ'n ɔ taka zia kɛ waka dan wie sa'n, m'an wun wie le.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezekiɛl 31:3

Nian, laa Asiri'n ti kɛ Liban lɔ waka nga be flɛ sɛdri'n sa. I nnya'n ti klanman, i fɔnvɔ'n yo fɛ kpa, ɔ ti fleiin. I ti'n ɔ tra bo nun waka'm be kwlaa.

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Daniɛl 2:10

Yɛ wunnzue yifuɛ'm be tɛli famiɛn'n i su kɛ: «Nannan, sran fi nun-man asiɛ nga su wa b'ɔ kwla yo like nga ɔ waan e yo i yɛ nin-ɔn. I sɔ'n ti, kannzɛ famiɛn kun ti dan'n, annzɛ sɛ ɔ kwla bɔbɔ'n, ɔ nian se-man wunnzue yifuɛ fanunfanun'm be wie fi kɛ be `yo i sɔ like le.

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 2:7

Be tɛli famiɛn'n i su ekun kɛ: «Nannan, kanngan laliɛ nga a cɛnnin'n kle ye man e tu i bo e man wɔ.»

Daniɛl 3:8

I sin, ɔ'a cɛ-man bɔbɔ, Babilɔnifuɛ wie'm be ko dili Zuif'm bé bo abla kleli famiɛn'n.

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 5:8

Famiɛn'n i sa sifuɛ'm be bali, sanngɛ b'a kwla kanngan-man fluwa'n nan se kɛ i bo yɛ be ´tu-ɔ.