Daniɛl 4:5 - NYANMIƐN NDƐ'N 1998

⁵ Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 4:5 ပူးပေါင်းရင်းမြစ်များ

Bo Bolɛ 41:1

Afuɛ nnyɔn sinnin kpɛkuun Ezipt famiɛn'n cɛnnin laliɛ kun. Ɔ ´cɛn laliɛ nin-ɔn, ɔ o nzue ba nga be flɛ kɛ Nil'n i nuan.

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 2:3

Ɔ seli be kɛ: «N cɛnnin laliɛ kun, ɔ'a bo mín wla dan kpa, i sɔ ti n klo kɛ amun kanngan laliɛ sɔ'n be kle min.»

Daniɛl 4:10

N tɛ la min bɛ'n su lɛ, kpɛkuun n ´wun i-ɔ, anz kun fin Nyanmiɛn su lɔ su jra.

Daniɛl 4:13

I sran ngwlɛlɛ'n wa kaci, ɔ wa yo kɛ nnɛn'm be liɛ'n sa. Ɔ ´kɛ i sɔ'n nun lele afuɛ'n nso.

Daniɛl 4:15

Laliɛ nga m bɔbɔ min Nɛbikadnɛzar n cɛnnin'n yɛ ɔ o lɛ-ɔ. I sɔ'n ti, wɔ, Bɛltsazar, tutu i bo kle min, afin min famiɛn diwlɛ'n nun sa sifuɛ'm be nun ba kun sa ɔ'a kwla tu-mɛn i bo, sanngɛ ɔ liɛ'n, a kwla tu i bo yɛlɛ kɛ Nyanmiɛn i wawɛ'n wo ɔ nun.› »

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 5:10

Kɛ famiɛn'n nin i mantanfuɛ'm be ´kpan'n, famiɛn i nin'n ɔ tili. Ɔ wluli aliɛ diwlɛ lɔ, yɛ ɔ seli kɛ: «Nannan, man wie wla fi wɔ! Nán man wɔ akunndan sanngan kun, nán ɔ nyrun'n ɔ kaci kun.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 7:1

Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»