Daniɛl 4:34 - NYANMIƐN NDƐ'N 1998

³⁴ I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 4:34 ပူးပေါင်းရင်းမြစ်များ

2 Samiɛl 22:31

Nyanmiɛn'n i atin'n ti kpa ngboko. I nuan nun ndɛ mun'n, fiɛn nun-man bé wun. Be nga be fa be wla guɛ i su'n ɔ ti kɛ be nyrɛn sa.

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

1 Be Nyoliɛ 29:13

I ti e Nyanmiɛn, e ´manman wɔ, yɛ e ´bo flɛ wɔ, afin ɔ dunman'n yo nyɛnmɛn.

Zɔb I Nyrɛnnɛn Wunlɛ 1:21

yɛ ɔ seli kɛ: «Kɛ n fin mín nin klun m ´ba'n, mín wun ngbɛn. N kɔlɛ su'n, mín sa ngbɛn yɛ n ´fa kɔ-ɔ. Anannganman yɛ ɔ mannin-ɔn, Anannganman yɛ ɔ'a fa-a. Man manmanlɛ'n ɔ yo i liɛ!»

Jue Mun 10:16

Anannganman ti famiɛn tititi. Nvle-nvlefuɛ nga be su-mɛn i'n, ɔ nunnun be i asiɛ liɛ'n su.

Jue Mun 102:24

Anannganman yoli man min wunmiɛn'n ɔ kannin ase min gbanflɛn nun. Ɔ kpɛli min nguan nyanman'n su.

Jue Mun 107:15

Man be sɔfuɛ'm be bo flɛ Anannganman i klun-ufue nin sa dandan ng'ɔ yo man sran mun ti.

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 107:31

Man be sɔfuɛ'm be bo flɛ Anannganman i klun-ufue nin sa dandan ng'ɔ yo man sran mun ti.

Jue Mun 107:8

Man be sɔfuɛ'm be bo flɛ Anannganman i klun-ufue'n nin sa dandan ng'ɔ yo man sran mun ti.

Jue Mun 111:7

Sa ng'ɔ yo'n be kle kɛ ɔ di nanwlɛ nan ɔ yo sa i nuan su. I mmla ng'ɔ ko kle be'n, be fa bé wla be gua be su-ɔ ɔ yo ye.

Jue Mun 121:1

Zerizalɛm kɔlɛ'n su jue. I waan: M man mín nyin'n su n nian oka'm bé lɔ siin. N usa kɛ: ?Nan min ukalɛ'n ɔ ´fin nin ?

Jue Mun 123:1

Zerizalɛm kɔlɛ'n i su jue, M man mín nyin'n su n nian wɔ bɔ a o famiɛn bia'n su nyanmiɛn'n su lɔ'n.

Jue Mun 145:13

Ɔ sielɛ'n wo lɛ tititi. Ɔ kwlalɛ bɔ a kwla'n wo lɛ blɛ kwlaa. Nda nga a ta'n, a yo i su sa'n. Ɔ kpa bɔ a ti'n ɔ fite su sa nga a yo'n i kwlaa nun.

Jue Mun 146:10

Anannganman ɔ ´sie mɛn'n tititi. Siɔnfuɛ mun, amun Nyanmiɛn'n wo lɛ tititi . Amun `manman Anannganman!

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 66:7

Ɔ kwla tititi, ɔ nian mɛn'n nunfuɛ'm bé su. Nán man nyin keklefuɛ'm be yo bé wun kpakpa.

Jue Mun 7:17

Sa tɛtɛ ng'ɔ yo be'n, be ´tɔ i bɔbɔ i ti su. I klunwi sa sɔ'm be ´kaci tɔ i bɔbɔ su.

Jue Mun 9:2

Anannganman, n ´tu n klun m ´manman wɔ, n ´kan abonuan sa nga a yoli be'n i kwlakwla.

Jue Mun 92:1

Be to jue nga wunmiɛn-delɛ-cɛn'n nun. Be waan:

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Ngwlɛ Yilɛ 3:38

?Sa fɛ o, sa kekle o, nán Anannganman yɛ ɔ man atin yɛ be ju-ɔ?

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 4:2

Kɔnguɛ kun n lali, kpɛkuun n cɛnnin laliɛ kun b'ɔ kunnin min srɛ kpa, afin like nga bɔ n wunnin i'n ɔ yo sro.

Daniɛl 4:26

Afin, kɛ ɔ dili afuɛ kun'n, famiɛn'n wo Babilɔni lɔ i awlo lɔ ɔ su wlan-wlan i sua'n i ti su gbagblagba'n su.

Daniɛl 4:3

N seli kɛ be `yia Babilɔni sa sifuɛ'm be kwlaa kɛ be `wa tu min laliɛ'n i bo.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Daniɛl 9:14

I sɔ'n ti yɛ ɔ waan san nyrɛnnɛn sa'm be ´tɔ ye su nin-ɔn. Afin Anannganman e Nyanmiɛn, sa nga a yo'n kwlaa ɔ ti i nuan su, sanngɛ y'a sie-man e su ɔ́ nuan bo.

Zonas 1:14

Yɛ be kpan flɛli Anannganman kɛ: «Anannganman, nán e yɛ e yoli-ɔ. E ´srɛ wɔ kpa ti-ɔ, nán nian kɛ y'a kun bian nga bɔ ɔ'a yo-man e sa yɛ'n ti man e wu. Yɛlɛ kɛ nga bɔ ɔ waan a ´yo'n yɛ a yoli-ɔ.»

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

JÉSUS-CHRIST I DYASIN FE'N BO LUC KLELI'N 1:33

Ɔ ´sie Zakɔb awlo'n, yɛ ɔ ´ka be osu'n nun tititi .

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Sa nglô yile 10:6

Ɔ seli kɛ: «N kan Nyanmiɛn b'ɔ ti anannganman'n, b'ɔ yili nyanmiɛn su lɔ'n nin ninnge nga be o lɔ'n be kwlaa, nin asiɛ'n nin ninnge nga be o su'n be kwlaa'n, nin jenvie'n nin ninnge nga be o nun'n be kwlaa'n, kɛ sɛ be minndɛ ekun'n, wuun nán min-ɔn!»

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 4:10

wuun kpɛnngbɛn ablaɔn-nin-nnan'm be kusu be koto sran ng'ɔ ti bia'n su sɔ'n i bo, wuun be manman sran sɔ'n b'ɔ o lɛ titi'n. Kɛ be ´tu be sika kle'n be ´to gua bia'n i wun lɛ'n, be se kɛ:

Sa nglô yile 4:9

Kɛ like nnan sɔ'n be ´yi sran ng'ɔ ti bia'n su b'ɔ o lɛ tititi'n i ayɛ, bɔ be ´mɛnmɛn i be ´lɛ i ase'n ,