Daniɛl 4:33 - NYANMIƐN NDƐ'N 1998

³³ Blɛ sɔ'n nun yɛ min klɔ sran ngwlɛlɛ'n ɔ sɛli sin i osu'n nun-ɔn. Be fali min sieli famiɛn bia'n su ekun, n nyannin nyrun kɛ laa'n sa, yɛ be buli min sran kɛ laa'n sa. Min afɔtuɛ manfuɛ'm be nin min junman difuɛ dandan'm be usali min osu. Be sieli min famiɛn ekun, yɛ min nyrun nga n nyɛnnin i'n, ɔ yoli dan trali laa liɛ'n.

Daniɛl 4:33 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:5

sran ng'ɔ bu-man Nyanmiɛn like fi'n, i anyrunnyan'n ɔ kɔ-man mmua, i aklunjuɛ'n cɛ-man? ?Yɛ a si-man ekun kɛ sran nga i nyin yi-man Nyanmiɛn'n, i klun jɔ-man kɔ-man mmua ?

Ezai 30:14

Ɔ fufu kɛ talie ufuɛ'n i talie'n wie yɛ b'a fa like b'a fin su kekle kpa sa. I buebue nun'n, be nyan-man bɔ kaan sa bɔ be fa fa sin gbo'n nun-ɔn ɔ yo ye-ɔ, annzɛ bɔ be fa sa nzue bla'n nun-ɔn ɔ yo ye-ɔ.»

Daniɛl 4:25

Sa nga be boli be su kleli Nɛbikadnɛzar, be kwlaa bé nuan yiali kpan.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 5:5

I osu kunngba sɔ'n nun'n, be ´nian-an sran sa yɛ ɔ o kannin siewlɛ'n wun koko yɛ. Ɔ su klɛklɛ like wie famiɛn'n i sua'n i talɛ'n bɔ be kɛnnin i ayre ufue'n su. Famiɛn'n wunnin sran sa'n b'ɔ su klɛ like'n.

1 Tɛsalonikfuɛ Mun 5:2

Afin amun bɔbɔ an si kpa kɛ e Min'n i balɛ cɛn'n ɔ ´fu ye nun kɛ awiefuɛ b'ɔ ba kɔnguɛ'n sa .