Daniɛl 4:32 - NYANMIƐN NDƐ'N 1998

³² Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 4:32 ပူးပေါင်းရင်းမြစ်များ

2 Be Nyoliɛ 33:13

Ɔ srɛli Anannganman kɛ ɔ si i aunnvuɛ. Anannganman guɛli i ya'n i ase. Ɔ tɛli i srɛlɛ'n su, ɔ fɛli i sɛli i sin Zerizalɛm yɛ ɔ fɛli i sieli famiɛn i osu'n nun. Kɛ ɔ fin lɛ'n, Manase wunnin i wlɛ kɛ Anannganman kunngba yɛ ɔ ti Nyanmiɛn nin-ɔn.

Zɔb I Nyrɛnnɛn Wunlɛ 42:2

«M'an wun kɛ a kwla like kwlaa yo. Like fi nun-man lɛ bɔ i yolɛ ti kekle ɔ́ sa nun-ɔn.

Zɔb I Nyrɛnnɛn Wunlɛ 9:12

?Sɛ ɔ fa like kekle nun'n, wan yɛ ɔ le i sa nun-ɔn ɔ yo ye-ɔ? ?Wan yɛ ɔ kwla se i kɛ: «Nguɛ yɛlɛ nga a ´yo i lɛ'n?»

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Jue Mun 135:6

Like kwlaa nga Anannganman waan ɔ ´yo'n, ɔ yo. Sɛ nyanmiɛn b'ɔ la nglo lɔ plaii'n su lɔ o, Sɛ asiɛ'n su wa o, sɛ jenvie'n bo lɔ o, annzɛ kusu bunman'n kwlaa nun o,

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezipt Lɔ Tulɛ'n 9:29

Moiz tɛli i su kɛ: «Kɛ n fin klɔ'n nun n ´fite cɛ'n, m ´manman mín sa'm bé su n ´srɛ Anannganman. Ngblannan'n nin nzraama'n be ´jran, kɛ ɔ ´yo nan w'a si kɛ asiɛ'n ti Anannganman liɛ'n ti.

Ezai 37:20

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman wɔ kunngba cɛ yɛ a ti Anannganman nin-ɔn.»

Ezai 40:15

Be `nian, nvle-nvle'm be nunfuɛ'm be kwlaa be ti kɛ nzue b'ɔ fin so kun nun kpɛn kpɔ'n sa. Be ti kɛ ndutre kan yɛ ɔ o toe'n su sa. Be `nian, lika nga be o jenvie nuan'n be ti kɛ ndutre kan b'ɔ jaso'n sa.

Ezai 40:17

Kannzɛ be kan nvle-nvle'm be kwlaa bo nun'n, be ti-man like fi i nyrun, be ti kɛ be nun-man mɛn'n nun sa.

Ezai 45:3

N ´fa ninnge kpakpa bɔ be o asiɛ'n nun'n, m ´man wɔ, n ´fa anyanbeun ninnge bɔ be ti fiawa'n m ´man wɔ kɛ ɔ ´yo nan w'a si kɛ n ti Anannganman, yɛ n ti Izraɛl Nyanmiɛn bɔ n fa ɔ dunman'n yɛ n fa flɛ wɔ'n ti.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 4:31

Nɛbikadnɛzar waan: «Kɛ afuɛ nso nga be kleli'n juli'n, m mannin mín nyin'n su n niannin nyanmiɛn su lɔ, kpɛkuun min klɔ sran ngwlɛlɛ'n ɔ sɛli i sin i osu'n nun kɛ laa'n sa. N yoli Nyanmiɛn bɔ like fi nun-mɛn i sin'n b'ɔ o lɛ tititi'n i kwla, m mɛnmɛnnin i, yɛ n kannin i anyrunnyan'n i wun ndɛ kpa. I kwlalɛ'n lɛ-man awieliɛ, i sielɛ'n wo lɛ tititi.

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Zozie 4:24

Anannganman e Nyanmiɛn'n kunndɛ kɛ asiɛ'n su nvle'm be nunfuɛ mun be kwlaa be si kɛ i dan'n lɛ-man wunsu. Yɛ ɔ kunndɛ kɛ e nyin yi i tititi, i ti yɛ ɔ yoli sa sɔ nin-ɔn.»