Daniɛl 4:31 - NYANMIƐN NDƐ'N 1998

³¹ Nɛbikadnɛzar waan: «Kɛ afuɛ nso nga be kleli'n juli'n, m mannin mín nyin'n su n niannin nyanmiɛn su lɔ, kpɛkuun min klɔ sran ngwlɛlɛ'n ɔ sɛli i sin i osu'n nun kɛ laa'n sa. N yoli Nyanmiɛn bɔ like fi nun-mɛn i sin'n b'ɔ o lɛ tititi'n i kwla, m mɛnmɛnnin i, yɛ n kannin i anyrunnyan'n i wun ndɛ kpa. I kwlalɛ'n lɛ-man awieliɛ, i sielɛ'n wo lɛ tititi.

Daniɛl 4:31 ပူးပေါင်းရင်းမြစ်များ

Bo Bolɛ 14:18

Mɛlkizedɛk b'ɔ ti Salɛm famiɛn'n, bɔ i kunngba'n ti Nyanmiɛn b'ɔ o like'n kwlaa ti su'n i nyrun jranfuɛ'n, ɔ blɛli i kpaun nin nzan,

Zɔb I Nyrɛnnɛn Wunlɛ 20:23

Kɛ ɔ ´di like'n, wuun Nyanmiɛn i ya'n ɔ'a jaso i wun. Ɔ man nyrɛnnɛn'n ɔ ´tɔ i su kɛ nzue yɛ ɔ su tɔ sa .

Jue Mun 145:13

Ɔ sielɛ'n wo lɛ tititi. Ɔ kwlalɛ bɔ a kwla'n wo lɛ blɛ kwlaa. Nda nga a ta'n, a yo i su sa'n. Ɔ kpa bɔ a ti'n ɔ fite su sa nga a yo'n i kwlaa nun.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Ezai 14:27

?Sa nga Anannganman b'ɔ sie mɛn wunmuan'n ɔ gugu kɛ ɔ ´yo'n, wan yɛ ɔ ´kwla jrɛn i-ɔ? ?Sɛ ɔ mɛn i sa'n su kɛ ɔ ´yo sran like'n, wan yɛ ɔ kwla kpalo i sa sɔ nin-ɔn?

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 4:24

I sɔ'n ti, Nannan, nán man n lo wɔ ngasi, fa min afɔtuɛ nga n fa man wɔ'n su. Kaci ɔ́ sin si sa tɛ'n nin ɔ fɔnlɛ mun, yɛ yo sa i nuan su nan si yalɛfuɛ'm be aunnvuɛ, i liɛ'n wienun-ɔn a ´nyan ye ekun.»

Daniɛl 4:26

Afin, kɛ ɔ dili afuɛ kun'n, famiɛn'n wo Babilɔni lɔ i awlo lɔ ɔ su wlan-wlan i sua'n i ti su gbagblagba'n su.

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 6:27

M bɔbɔ m'an man mmla kɛ, kɛ ɔ fin ndɛ'n, man sran nga bɔ n sie be'n be kwlakwla be `sro Daniɛl i Nyanmiɛn'n kpa, yɛ bé nyin `yi i. Afin ɔ ti Nyanmiɛn kun b'ɔ lafi-man. Ɔ o lɛ tititi, i famiɛn diwlɛ'n ɔ lɛ-man saciwlɛ, i kwlalɛ'n ɔ lɛ-man awieliɛ.

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

Sa nglô yile 16:7

Yɛ n tili sran kun nɛn ansans yrawlɛ'n i wun lɛ, ɔ seli kɛ: «Anannganman Nyanmiɛn wɔ bɔ a kwla like kwlaa yo'n, ndɛ nga a di yɛ'n ɔ ti nanwlɛ, yɛ ɔ ti su .»

1 Samiɛl 13:14

Sanngɛ sa nga a yo i yɛ'n ti, ɔ sielɛ'n su cɛ-man kun. Anannganman ɔ'a wun sran kun b'ɔ ti i anwlɛn su sran. I yɛ ɔ wa fɛ i kɛ ɔ sie i nvle nin-ɔn, afin w'a fa-man ndɛ nga Anannganman kan kleli wɔ'n su.»

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»