Daniɛl 4:27 - NYANMIƐN NDƐ'N 1998

²⁷ Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Daniɛl 4:27 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

1 Famiɛn Mun 21:29

«Nian kɛ Akab ɔ'a kɛn i wun ase mín bo-ɔ. Kɛ b'ɔ kɛnnin i wun ase mín bo'n ti'n, n su fa-man nyrɛnnɛn n yi-mɛn i awlo'n su i nyin su. I wa'n i blɛ su yɛ nyrɛnnɛn sɔ'n wa tɔ i awlo'n su-ɔ.»

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Nyanndra Mun 11:2

Tutre'n i sinma yɛlɛ nyannzuɛn. Akunndan'n kusu ti wun ase kanfuɛ'm be liɛ.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezai 10:13

Afin Asiri famiɛn'n seli kɛ: «Min bɔbɔ min wunmiɛn'n yɛ n fa n dili junman ng'ɔ o lɛ'n kwlakwla-a. Min ngwlɛlɛ'n yɛ n fa yoli i kwlakwla-a, afin n ti akunndanfuɛ. N sieli nvle-nvle'm be anyialiɛ'm be uflɛ. N fali nvle-nvle'm be nunfuɛ'm bé anwlɛn su ninnge mun. Kɛ bɔ n lɛ nyrun'n ti'n, n yoli man famiɛn'm be tɔli.

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

Ezai 47:8

Mmo b'ɔ klo mɛn dilɛ'n, b'ɔ tran ase fouun'n, bɔ i klun ti-mɛn i'n, b'ɔ se i klun lɔ kɛ: ‹M bɔbɔ min'n, sran fi nin min sɛ-man'n, n su di-man angboti le'n, min mma'm be su fi-man mín sa le'n,› sie ɔ su siɛn'n.

Zeremi 29:7

An `kunndɛ klɔ nga n trali amun ɔli su'n i kpa yolɛ. An `srɛ Anannganman'n be mɛn i. Afin sɛ ɔ nyan muae'n yɛ amun kusu amun ´nyan wie-ɔ.› »

Zeremi 38:20

Zeremi tɛli i su kɛ: «Be su fa-man wɔ be wla-man bé sa nun. Ndɛ nga Anannganman'n kan'n, ɔ li fa ɔ́ su tie. Sɛ a fa ɔ́ su tie'n, ɔ ´uka wɔ, a ´fite nun.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Ezekiɛl 29:9

Ezipt mɛn'n ɔ wa tɔ srolo, sran su tran-man nun. Yɛ sran'm be wa si jrɛiin kɛ min yɛ n ti Anannganman nin-ɔn. Yɛlɛ kɛ a seli kɛ: ‹Nil nzue'n ɔ ti min liɛ, m bɔbɔ yɛ n yili n like-ɔ.›

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Amɔs 6:13

Lɔdɛbar klɔ bɔ be ti-man like fi bɔ an kwlɛli i'n ti, an su di i ti cɛn. An ko se kɛ yoo: «E lɛ wunmiɛn o, y'a fa Karnaim!»

Zonas 3:9

E si-man sɛ Anannganman'n gua i ya'n i ase o! Sɛ wienun-ɔn ɔ ´kaci aniɛn nan ɔ su nunnun-man ye o .»

Abakik 1:11

Kpɛkuun be sin kɛ aunngban dan kun b'ɔ su sin'n sa. Be sin kɔ lika uflɛ be ko yo sa tɛ ekun, yɛlɛ kɛ be like liɛ bɔ be lafi su'n yɛlɛ be wunmiɛn'n.»

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Matthieu 3:8

An `yo sa kpa b'ɔ kle kɛ amu'an kaci amun nzuɛn'n, amun `yo kɛ waka kpa b'ɔ su mma kpa'n sa.

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Sa nga bé yôli'n 8:22

Ɔ man kaci wɔ akunndan sɔ'n, yɛ kpata e Min Nyanmiɛn'n ɔ klun akunndan tɛ sɔ'n ti, wienun-ɔn ɔ ´yaci,

2 Korɛntfuɛ Mun 5:11

Kɛ e si kɛ e Min'n yo sro'n, i ti e kan ndɛ weiin e kle sran mun nan be kaci. Nyanmiɛn si e kpa, yɛ e bu i kɛ amun kusu an si e kpa.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.

Mmla'n 24:13

Kɛ sɛnzɛ'n ɔ tɔ cɛ'n, amun `fɛ i kondro'n `ko mɛn i man ɔ la fa kɛtɛ i su nan ɔ yra amun nguan. Sɛ amun yo i sɔ'n, sa kpa dan kun yɛ amu'an yo i Anannganman amun Nyanmiɛn'n i nyrun lɛ-ɔ.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

1 Piɛr 4:8

Sa ng'ɔ ti dan trɛ i ngba'n yɛlɛ kɛ an `klo amún wun, afin sran ng'ɔ klo sran'n, ɔ yaci sa tɛ kpanngban nga be yo i cɛ .