Kɛ ɔ fɛ i lele b'ɔ ´fa ju asiɛ'n i awieliɛ'n lɔ'n, kɛ sran'm be wun sa nga a yo be'n, be akunndan sanngan be klun. Wɔ man wia afiliɛ lɔfuɛ mun nin wia atɔliɛ lɔfuɛ'm be bo sro.
Ee Nyanmiɛn, siɛn'n bɔ m'an yo oke bɔ mín ti'n ɔ'a bo je yɛ'n, nán yi min ase. Man n kan ɔ kwlalɛ bɔ a kwla'n i nun ndɛ n kle min blɛ sufuɛ mun. Man n kan ɔ safunyrɛn sa bɔ a yo be'n n kle be kwlaa nga be ´ba bé sin lɔ'n.
I sin'n, Nɛbikadnɛzar ko jrannin fur nga be trɔli sin'n i nun'n i anuan'n nun, kpɛkuun ɔ flɛli be, i waan: «Sadrak, Mesak, Abɛd-Nego, Nyanmiɛn b'ɔ o nglo-nglo'n i sufuɛ mun, amun `fite amun `bla.» Yɛ be nsan'n be fin sin'n nun lɔ fiteli-ɔ.
I sɔ'n ti, Nannan, nán man n lo wɔ ngasi, fa min afɔtuɛ nga n fa man wɔ'n su. Kaci ɔ́ sin si sa tɛ'n nin ɔ fɔnlɛ mun, yɛ yo sa i nuan su nan si yalɛfuɛ'm be aunnvuɛ, i liɛ'n wienun-ɔn a ´nyan ye ekun.»
I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»
M bɔbɔ m'an man mmla kɛ, kɛ ɔ fin ndɛ'n, man sran nga bɔ n sie be'n be kwlakwla be `sro Daniɛl i Nyanmiɛn'n kpa, yɛ bé nyin `yi i. Afin ɔ ti Nyanmiɛn kun b'ɔ lafi-man. Ɔ o lɛ tititi, i famiɛn diwlɛ'n ɔ lɛ-man saciwlɛ, i kwlalɛ'n ɔ lɛ-man awieliɛ.
Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .