Daniɛl 4:14 - NYANMIƐN NDƐ'N 1998

¹⁴ Anz mun yɛ be kan ndɛ nga-a, kɛ ɔ ´yo nan be kwlaa nga be nyin o su'n b'a si kɛ Nyanmiɛn b'ɔ o nglo-nglo lɔ'n yɛ ɔ sie sran'm be famiɛn diwlɛ mun'n ti. Sran kwlaa nga i klun klo kɛ ɔ ´fa famiɛn bia'n ´fa mɛn i'n, yɛ ɔ fa mɛn i-ɔ. Ɔ kwla man sran'm be nun aunnvuɛfuɛ kpa'n i su bɔbɔ.

Daniɛl 4:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 24:20

Bla ng'ɔ wunnzɛli be'n i wla fi be. Kakaa mma'm be di be be klun jɔ. Sran fi wla kpɛn-man be su kun. Kɛ sa tɛ'n i agualiɛ'n ɔ ti sa: be bu i bo kɛ waka sa.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

Zeremi 51:9

E yoli Babilɔni lele ngbɛn. Nán juejue yɛ ɔ ko yo-ɔ. Nga, man e yaci i lɛ e wɔ é mɛn kunngun'm be nun ke! Anannganman su sa nga ɔ'a tɔ i su yɛ'n, nán kan ngowa sa-a .

Ezekiɛl 31:10

«I sɔ'n ti'n Anannganman Nyanmiɛn wan yoo: ‹Ɔ nyinnin dan. I ti'n ɔ tra bo'n nun lɔ waka mun. Ɔ fɛli i nyinlɛ'n ɔ tuli i wun.

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 3:4

Ndolo bofuɛ'n kpannin kekle kpa seli kɛ: «Amun bɔ amun ti nvle'm be kwlaa be nunfuɛ'n bɔ amun fin mɛnmɛn'n kwlaa nun'n, bɔ amun ijɔ aniɛn wafa-wafa'n kwlaa'n, amun `sie amún su amun `tie.

Daniɛl 4:12

Sanngɛ amun `yaci i bo olui'n i su lɛ, man ɔ ka fie'n su lɔ ijre'm be afiɛn. Amun `fa blalɛ jrɔkɔ nin aaba jrɔkɔ be ci i. Man nyansue'n ɔ bo sran nga i nzɔliɛ yɛlɛ waka sɔ'n, yɛ man ɔ di ijre kɛ nnɛn'm be sa.

Daniɛl 4:23

Waka'n i afiɛn flolo nga be waan be `yaci i i olui'n su lɛ'n, i bo yɛlɛ kɛ a wa kaci famiɛn ekun blɛ bɔ a ko si kɛ Nyanmiɛn bɔ like fi nun-mɛn i sin'n yɛ ɔ ti siefuɛ'n.

Daniɛl 4:29

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i nin-ɔn.»

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Matthieu 3:10

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ i gua sin'n nun.

Matthieu 7:19

Waka kwlaa b'ɔ su-man mma kpa'n, be ´kpɛ yi i sin nun.

JÉSUS-CHRIST I DYASIN FE'N BO LUC KLELI'N 3:9

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ guɛ i sin'n nun.»

Sa nglô yile 10:3

Ɔ kpan kekle kpa kɛ asɔmɔli sa. Kɛ ɔ kpannin'n, nyanmiɛn'n kpla kpɛ nso sɔli su.

Sa nglô yile 18:2

Ɔ kpan seli kɛ: «Babilɔni klɔ dan'n ɔ'a saci, ɔ'a saci! Ɔ'a kaci asiɛ usu'm be tranwlɛ, ɔ'a kaci mmusu nin tete anunman bɔ sran'm be kpɔ be'n bé sua,