Daniɛl 4:1 - NYANMIƐN NDƐ'N 1998

¹ «M bɔbɔ min famiɛn Nɛbikadnɛzar, n wo min famiɛn awlo'n nun, mín wla ti ase guawa.

Daniɛl 4:1 ပူးပေါင်းရင်းမြစ်များ

1 Be Nyoliɛ 12:18

David kpali be atin, yɛ ɔ seli be kɛ: «Sɛ wɛtɛɛ su yɛ amun wa toli min'n, yɛ sɛ min ukalɛ yɛ amun bali'n, n ´sɔ amun nun klanman. Sɛ kusu amun ba kɛ amun wa laka min nan min kpɔfuɛ'm be `nyan min'n, kusu wuun m'an yo-man sa fi'n, man e nannan'm be Nyanmiɛn'n wun amun, yɛ ɔ nin amun `kan.»

Ɛsdras 4:17

Famiɛn'n klɛli fluwa ko mannin Rɛɔm b'ɔ ti nvle siefuɛ'n, ɔ nin Simsai b'ɔ ti i fluwa klɛfuɛ'n ɔ nin be nga be nin be di junman kunngba'n, bɔ be o Samari annzɛ nzue'n i bue kun lɔ'n. Ɔ seli be kɛ: «N ´yo amun like.

Ɛsdras 5:7

i nun ndɛ mun yɛ: «Nannan Dariis, e ´yo wɔ like!

Ɛstɛr 3:12

Anglo klikli'n i le blu-nin-nsan su'n, be flɛli famiɛn'n i fluwa klɛfuɛ mun nan b'a nian ndɛ nga Aman kannin'n su b'a klɛ fluwa b'a ko man famiɛn i ja nunfuɛ mun nin akpasua'm be su siefuɛ mun, ɔ nin nvle'm be su kpɛnngbɛn mun. Fluwa sɔ mun'n, be niannin akpasua'm be fluwa klɛlɛ wafa'm be su yɛ be klɛli be-ɔ, yɛ be niannin nvle'm be kwlaa be aniɛn'm be su yɛ be klɛli be-ɔ. Fluwa sɔ'n, famiɛn Asieris dunman nun yɛ be klɛli be-ɔ, yɛ i nga'n i nzɔliɛ'n wo su.

Ɛstɛr 8:9

Be kali lɛ be flɛli famiɛn'n i fluwa klɛfuɛ mun Sivan anglo'n b'ɔ ti anglo'n nsan su'n i le ablaɔn-nin-nsan'n su nan b'a klɛ ndɛ nga Mardose waan be klɛ'n i kwlaa. Be fa fluwa nga be klɛli ko mannin Zuif mun nin kpɛnngbɛn mun, ɔ nin siefuɛ mun, ɔ nin akpasua ng'ɔ fɛ i Ɛnd lɛ lele fa ju Etiopi'n. Be ti akpasua-akpasua ya ablaɔn-nin-nso. Be niannin akpasua'm be fluwa klɛlɛ wafa liɛ'm be su, ɔ nin be aniɛn'm be su yɛ be klɛli fluwa sɔ nin-ɔn. Yɛ be niannin Zuif'm be fluwa klɛlɛ i wafa'm be su, ɔ nin be aniɛn'm be su yɛ be klɛli be liɛ'n kusu-ɔ.

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 3:4

Ndolo bofuɛ'n kpannin kekle kpa seli kɛ: «Amun bɔ amun ti nvle'm be kwlaa be nunfuɛ'n bɔ amun fin mɛnmɛn'n kwlaa nun'n, bɔ amun ijɔ aniɛn wafa-wafa'n kwlaa'n, amun `sie amún su amun `tie.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Daniɛl 6:27

M bɔbɔ m'an man mmla kɛ, kɛ ɔ fin ndɛ'n, man sran nga bɔ n sie be'n be kwlakwla be `sro Daniɛl i Nyanmiɛn'n kpa, yɛ bé nyin `yi i. Afin ɔ ti Nyanmiɛn kun b'ɔ lafi-man. Ɔ o lɛ tititi, i famiɛn diwlɛ'n ɔ lɛ-man saciwlɛ, i kwlalɛ'n ɔ lɛ-man awieliɛ.

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Sa nga bé yôli'n 2:6

Nganniɛn sɔ'n ti sran kpanngban kpa be wa yiali lɛ, kɛ be kwlaa be tili ndɛ nga be kan'n be bɔbɔ be aniɛn'n nun'n, bé wun bliblili be.

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

Efɛzfuɛ Mun 1:2

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

1 Timote 1:2

n ´klɛ fluwa nga blɛ wɔ Timote. A ti mín wa sakpa, afin min yɛ man a lafili Krist su-ɔ. Man é Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun.

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!