Daniɛl 3:6 - NYANMIƐN NDƐ'N 1998

⁶ Sran kun nga i waan ɔ koto-man nan ɔ su-mɛn i wie'n, be `ka bé ja nun lɛ be trɛ i be jrɛ i fur bɔ sin o nun'n i nun.»

Daniɛl 3:6 ပူးပေါင်းရင်းမြစ်များ

Bo Bolɛ 19:28

Ɔ ´nian Sodɔm nin Gomɔr be asa'n su lɔ'n, sin wɛnsrɛn su fite lɔ kɛ lika wie yɛ ɔ su yra sa.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezai 44:17

Ɔ fɛ i onga'n fa yo amuɛn, ɔ fa sɛ waka sran, ɔ su i, ɔ koto i bo, ɔ kpan flɛ i. Ɔ se kɛ: «De min! Afin wɔ yɛ n sɔ wɔ-ɔ.»

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Daniɛl 2:5

Famiɛn'n waan: «Nga m'an gugu'n yɛlɛ kɛ sɛ amun bɔbɔ amu'an kwla kanngan-man laliɛ nga n cɛnnin'n nan amu'an tu-mɛn i bo ɔ'a gua-man su'n, be ´tra amun be ´kpɛkpɛ amun nun kpokpokpo yɛ amún sua'm be ´kaci sua nvuɛn.

Daniɛl 3:11

Ɔ waan sran kwlaa nga i waan ɔ koto-mɛn i bo nan ɔ su-mɛn i'n, be `yi i sin dan kun nun.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 3:21

Be cili be sran nsan sɔ mun. Kɛ be ´ci be sɔ'n, wuun bé wun tralɛ dan'n, nin bé bo pantanlɔn'n, ɔ nin be tralɛ tɛnndɛn'n wo bé wun, kpɛkuun bé kle'n wo bé ti. Yɛ be toli be yili sin dan'n nun-ɔn.

Daniɛl 3:7

I sɔ'n ti, kɛ nvle-nvle'm be nunfuɛ'm bɔ be fin mɛnmɛn'm be nun'n, bɔ be kan aniɛn wafa-wafa'n be kwlaa'n, be tili awɛ'n, nin blo'n, nin sanngo'n, nin aluku'n, nin kote'n, nin ngowa ninnge wafa-wafa'm be tɛlɛ'n, be kotoli yɛ be utuli be nyin ase nan b'a su sika ɔkwlɛ sran nga famiɛn Nɛbikadnɛzar takali'n.

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 6:7

Kpɛkuun akpasua su kpɛn'm be kpɛnngbɛn nnyɔn be nin akpasua su kpɛn'm be ɔli ndɛndɛ be ko toli famiɛn'n nan b'a se i kɛ: «Nannan Dariis, man wie wla fi wɔ!

Matthieu 13:42

be gua be sin dan kpa'n nun, lɔ yɛ be ´sun be ´di be je nin-ɔn.

Matthieu 13:50

yɛ be ´gua be sin dan kpa'n nun, lɔ yɛ be ´sun be ´di be je nin-ɔn.»

Matthieu 4:9

«Sɛ a koto m bo a manman min'n, n ´fa ninnge nga kwlaa man wɔ.»

Marc 6:27

Kpɛkuun ɔ sunmannin sonja nga be niɛn i su'n be nun kun, ɔ seli i kɛ ɔ ko kpɛ Zan batɛm yofuɛ'n i ti'n blɛ i.

Sa nglô yile 14:11

Sin nga be ´wun nyrɛnnɛn nun'n, ɔ ´fite wɛnsrɛn tititi. Be nga be koto nnɛn'n nin i wunsu bɔ be yoli'n bé bo'n, nin be kwlaa nga nnɛn sɔ'n i dunman'n klɛ bé wun'n, be su nyan-man be ti wia nun nin kɔnguɛ .»

Sa nglô yile 9:2

Ɔ tikeli kunman dan sɔ'n su, sin wɛnsrɛn dan kpa fin nun fiteli. Wɛnsrɛn'n b'ɔ fin kunman sɔ'n nun fiteli'n, ɔ dunnin wia'n nin nyanmiɛn su lɔ'n tuun .