Daniɛl 3:29 - NYANMIƐN NDƐ'N 1998

²⁹ I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 3:29 ပူးပေါင်းရင်းမြစ်များ

2 Famiɛn Mun 10:27

Be bubuli Baal i yɛbuɛ nga be takali'n nun, kpɛkuun be buli i sua'n. Be kplannin atin nun kɔwlɛ sua mun i osu'n nun. Ndɛ nin ndɛ atin nun kɔwlɛ sua sɔ'm be tɛ o lɛ.

Ɛsdras 6:11

Sran kwlaa ng'ɔ fa-man ndɛ nga su'n, man be yi i sua'n nun waka'n kun be kplan, nan be `fɛ i sran su. I sin man be bubu i awlo'n, nan ɔ kaci ufuɛ.

Jue Mun 3:8

Anannganman, jaso! Min Nyanmiɛn, de min! A fin min kpɔfuɛ'm bé nuan'n su. A bubu klunwifuɛ'm be je'n.

Daniɛl 1:19

Famiɛn'n nin be kwlaa be ijɔli. Kɛ ɔ niannin gbanflɛn sɔ'm be kwlaa'n, ɔ'a wun-man be nun sran kun bɔ i nyrun ba nyan kɛ Daniɛl, nin Anania, nin Mikaɛl, ɔ nin Azaria be sa-a. Yɛ be boli famiɛn i junman'n i dilɛ i bo-ɔ.

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 2:17

I sin Daniɛl ɔli i awlo ɔ ko kannin ndɛ sɔ'n i kwlaa kleli i janvuɛ Anania, nin Mikaɛl, ɔ nin Azaria.

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 2:49

Daniɛl srɛli famiɛn'n kɛ ɔ `fa Babilɔni akpasua'n ɔ `man Sadrak, nin Mesak, ɔ nin Abɛd-Nego kɛ be `nian su. Famiɛn kplinnin su. Daniɛl bɔbɔ liɛ'n, ɔ trannin famiɛn'n i awlo lɔ, ɔ yoli i mantanfuɛ.

Daniɛl 2:5

Famiɛn'n waan: «Nga m'an gugu'n yɛlɛ kɛ sɛ amun bɔbɔ amu'an kwla kanngan-man laliɛ nga n cɛnnin'n nan amu'an tu-mɛn i bo ɔ'a gua-man su'n, be ´tra amun be ´kpɛkpɛ amun nun kpokpokpo yɛ amún sua'm be ´kaci sua nvuɛn.

Daniɛl 3:12

Nannan, Sadrak nin Mesak, nin Abɛd-Nego bɔ be ti Zuif'n, bɔ a fali be siesieli akpasua'm bé su'n, be bu-man wɔ like fi. I sɔ'n ti b'a di-man ɔ́ nuan nun ndɛ'n su. Be waan be sɔ-man wɔ amuɛn'm be wie, yɛ b'a su-man ɔ sika ɔkwlɛ sran bɔ a takali'n.»

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Daniɛl 6:28

I yɛ ɔ de sran-an, i yɛ ɔ yo man sran kwla nyɛn i ti-ɔ. Nglo lɔ o, asiɛ'n su wa o, i yɛ ɔ yi atrɛ yɛ ɔ yo abonuan sa mun-ɔn. I yɛ ɔ deli Daniɛl asɔmɔli'm bé sa nun nin-ɔn.»

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.