Daniɛl 3:27 - NYANMIƐN NDƐ'N 1998

²⁷ Akpasua su siefuɛ mun, nin prefe mun, nin kpɛnngbɛn uflɛ wie'm be nin famiɛn'n i mantanfuɛ'm be yiali bé wun lɛ. Be wunnin kɛ sin'n ɔ'a yo-man be wunnɛn'n i like fi, nan bé ti ndrɛ ba kun sa ɔ'a yra-man yɛ be tralɛ'm b'a yra-man kaan sa, kusu sin wɛnsrɛn bɔn-man bé wun kaan sa.

Daniɛl 3:27 ပူးပေါင်းရင်းမြစ်များ

1 Famiɛn Mun 13:28

Nan ɔ'a ɔ. Ɔ ´kɔ-ɔ, fuɛn'n nannan atin'n nun, aflunmun'n nin asɔmɔli'n be wo i wun lɛ. Asɔmɔli'n ɔ'a di-man fuɛn'n, yɛ kusu ɔ'a yo-man aflunmun'n i like fi.

2 Famiɛn Mun 19:19

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman ɔ kunngba cɛ yɛ a ti Nyanmiɛn nin-ɔn!»

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Daniɛl 3:21

Be cili be sran nsan sɔ mun. Kɛ be ´ci be sɔ'n, wuun bé wun tralɛ dan'n, nin bé bo pantanlɔn'n, ɔ nin be tralɛ tɛnndɛn'n wo bé wun, kpɛkuun bé kle'n wo bé ti. Yɛ be toli be yili sin dan'n nun-ɔn.

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Daniɛl 6:7

Kpɛkuun akpasua su kpɛn'm be kpɛnngbɛn nnyɔn be nin akpasua su kpɛn'm be ɔli ndɛndɛ be ko toli famiɛn'n nan b'a se i kɛ: «Nannan Dariis, man wie wla fi wɔ!

Matthieu 10:30

Amún ti ndrɛ'n bɔbɔ, ɔ si i nuan.

Sa nga bé yôli'n 26:26

Nannan Agripa b'ɔ o yɛ'n ɔ si sa sɔ'n nun, ɔ man kɛ n ´kan kle i'n, n klun ti-man min, afin n si weiin kɛ ɔ si sa sɔ'n kwlaa nun, yɛlɛ kɛ i wie fi a yo-man nvialiɛ nun.

Sa nga bé yôli'n 27:34

I sɔ'n ti, n ´srɛ amun, an `di like, afin sɛ an di'n yɛ amun ´nyan nguan-an. Amun nun wie fi ti ndrɛ kun sa su mlin-man.»

Hébreu 11:34

be nuan sin sroesroe, yɛ be flo be nga be waan be ´fa tokofi kun be'm bé sa nun. Be nga be lɛ-man wunmiɛn'n be nyannin fanngan, be yoli yakpa alɛ nun, yɛ be fuannin nvle wie'm be sonja mun .