Daniɛl 3:25 - NYANMIƐN NDƐ'N 1998

²⁵ Yɛ ɔ seli be kɛ: «Sanngɛ n wun sran nnan sin'n nun lɔ. Nyanman fi ci-man be yɛ be su wlan-wlan sin'n nun. Like fi yo-man be. Sran ng'ɔ tian be su nnan'n, kɛ a wun i sa'n, ɔ waan Nyanmiɛn su lɔ sran-an .»

Daniɛl 3:25 ပူးပေါင်းရင်းမြစ်များ

Zɔb I Nyrɛnnɛn Wunlɛ 1:6

Le kun Nyanmiɛn i anz'm be ɔli i nyrun , kpɛkuun Satan ɔli wie.

Zɔb I Nyrɛnnɛn Wunlɛ 38:7

blɛ bɔ aliɛ njɛnniɛn su nzraama'm be ´to kwlalɛ jue likawlɛ'n, bɔ min anz'm be ´kpan aklunjuɛ kpanlɛ nin-ɔn?

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 34:7

Sɛ yalɛfuɛ wie kpan flɛ Anannganman'n, ɔ ti, yɛ ɔ man nyrɛnnɛn ng'ɔ o i su'n ɔ wie.

Nyanndra Mun 30:4

?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Zeremi 1:19

Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 15:21

«N ´de wɔ sran tɛtɛfuɛ'm bé sa nun. N ´de wɔ sran mian-mianfuɛ'm bé sa nun.»

Daniɛl 3:18

Nannan, kannzɛ ɔ yo sɛ, ɔ fata kɛ a si kɛ e su sɔ-man wɔ amuɛn mun, yɛ e su su-man ɔ sika ɔkwlɛ sran bɔ a takali'n .»

Daniɛl 3:24

Srɛ kunnin famiɛn Nɛbikadnɛzar, kpɛkuun ɔ jasoli kpɛ kunngba waka, nan ɔ'a usɛ i afɔtuɛ manfuɛ'm be kɛ: «?Nán sran nsan yɛ e cili be e yili sin'n nun nin-ɔn?» Be tɛli i su kɛ: «Nannan i-ɔ, kɛ ɔ ti sɔ-ɔ!»

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Marc 16:18

be ´tra wuo mun, sɛ be nɔn like wie b'ɔ kun sran'n, ɔ su yo-man be sa fi. Be ´fa bé sa fua tukpacɛfuɛ'm be su, be ´yo juejue.»

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

Sa nga bé yôli'n 28:5

Sanngɛ Pɔl kpɛntɛnnin wuo sɔ'n yili i sin'n nun, like fi a yo-mɛn i.

Rɔmfuɛ Mun 1:4

yɛ i cɛnlɛ bɔ Nyanmiɛn Wawɛ'n cɛnnin i'n ɔ ti sa kekle b'ɔ yoli, ɔ man be si kɛ ɔ ti i Wa sakpa. Ɔ ti e Min Jésus-Krist.

1 Piɛr 3:13

?Sɛ an tu amun klun yo sa ng'ɔ ti kpa'n, wan yɛ ɔ kwla yo amun tɛ-ɔ?