Daniɛl 3:20 - NYANMIƐN NDƐ'N 1998

²⁰ Ɔ seli sonja nga be lɛ wunmiɛn kpa'm be kɛ be `ko ci Sadrak, nin Mesak, ɔ nin Abɛd-Nego nan be `yi be sin dan'n nun.

Daniɛl 3:20 ပူးပေါင်းရင်းမြစ်များ

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Daniɛl 3:21

Be cili be sran nsan sɔ mun. Kɛ be ´ci be sɔ'n, wuun bé wun tralɛ dan'n, nin bé bo pantanlɔn'n, ɔ nin be tralɛ tɛnndɛn'n wo bé wun, kpɛkuun bé kle'n wo bé ti. Yɛ be toli be yili sin dan'n nun-ɔn.

Sa nga bé yôli'n 16:23

Kɛ bé sa tili be kpa'n, be wlali be bisua, be seli bisua su kpɛn'n kɛ ɔ nian bé su kpa.

Sa nga bé yôli'n 16:25

Kɔnguɛ afiɛn Pɔl nin Silas be nin Nyanmiɛn be kokoli yalɛ, be toli Nyanmiɛn manmanlɛ jue, bisuafuɛ'n kun'm be tili.