Daniɛl 3:17 - NYANMIƐN NDƐ'N 1998

¹⁷ I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 3:17 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 18:14

?Like kun wo lɛ bɔ i yolɛ ti kekle man Anannganman nin-ɔn? N se kɛ afuɛ ng'ɔ ´ba lɔ bikisa'n, kɛ m ´ba'n, wuun Sara ɔ'a wu ba yasua kun .»

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Jue Mun 37:39

Anannganman yɛ man sran kpa'm be nyan bé ti-ɔ. Kɛ nyrɛnnɛn tɔ be su'n, i yɛ be talo i-ɔ.

Jue Mun 37:40

Anannganman uka be, ɔ de be. Ɔ de be klunwifuɛ'm bé sa nun, ɔ man be fite nun, afin be fia i nun.

Jue Mun 73:20

Min Min, a ka lɛ nunnun be man be wun-man be osu kun kɛ laliɛ nun like b'ɔ ka lɛ mlin be klun'n sa.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 15:20

N ´yo wɔ kɛ aaba talɛ dan sa. Nvle nga nunfuɛ'n be nin wɔ ´kun, sanngɛ be su kwla yo-man wɔ like fi. Afin e nin wɔ e o nun, n ´uka wɔ, n ´de wɔ.» Anannganman'n yɛ o kan sɔ-ɔ.

Zeremi 15:21

«N ´de wɔ sran tɛtɛfuɛ'm bé sa nun. N ´de wɔ sran mian-mianfuɛ'm bé sa nun.»

Daniɛl 3:26

I sin'n, Nɛbikadnɛzar ko jrannin fur nga be trɔli sin'n i nun'n i anuan'n nun, kpɛkuun ɔ flɛli be, i waan: «Sadrak, Mesak, Abɛd-Nego, Nyanmiɛn b'ɔ o nglo-nglo'n i sufuɛ mun, amun `fite amun `bla.» Yɛ be nsan'n be fin sin'n nun lɔ fiteli-ɔ.

Daniɛl 6:16

Sanngɛ Daniɛl i kpɔfuɛ'm be sali bé sin ndɛndɛ kpa famiɛn'n i wun lɔ. Be seli i kɛ: «Nannan, a si jrɛin kɛ e Medifuɛ nin e Pɛrsfuɛ e mmla'n nun'n, famiɛn'n i ndɛ kun ng'ɔ ko kan'n, wuun ɔ'a kan, be kwla kpɛ-mɛn i wun kun.»

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Daniɛl 6:27

M bɔbɔ m'an man mmla kɛ, kɛ ɔ fin ndɛ'n, man sran nga bɔ n sie be'n be kwlakwla be `sro Daniɛl i Nyanmiɛn'n kpa, yɛ bé nyin `yi i. Afin ɔ ti Nyanmiɛn kun b'ɔ lafi-man. Ɔ o lɛ tititi, i famiɛn diwlɛ'n ɔ lɛ-man saciwlɛ, i kwlalɛ'n ɔ lɛ-man awieliɛ.

Mise 7:7

Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

JÉSUS-CHRIST I DYASIN FE'N BO LUC KLELI'N 1:37

Afin sa kwlaa nga Nyanmiɛn waan ɔ ´yo'n, ɔ kwlɛ i yo.»

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 21:13

Yɛ Pɔl seli be kɛ: «?Nguɛ ti yɛ an sun man min wun yo nin nyɛiin sɔ-ɔ? N si sɔ, nán kɛ cilɛ ngunmin yɛ be ´ci min-ɔn, sanngɛ sɛ be kun min bɔbɔ e Min Jésus ti Zerizalɛm lɔ'n, ɔ ti-man sa.»

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

2 Korɛntfuɛ Mun 1:10

I yɛ ɔ deli ye nyrɛnnɛn wie sɔ nun-ɔn, yɛ ɔ wa de ye. E wla o i su kɛ sɛ an uka ye e se i kɛ ɔ jran é sin'n, ɔ ´de ye ekun. Ɔ man kɛ sran sunman be srɛ i kɛ ɔ yo e ye'n, b'ɔ yo'n, sran sunman kusu be ´lɛ i ase e ti.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

1 Samiɛl 17:37

Anannganman b'ɔ deli min asɔmɔli mun nin urs'm bé sa nun'n, i bɔbɔ ɔ ´de min Filistifuɛ'n i sa nun.» Kɛ David kannin sɔ'n, Sail seli i kɛ: «Kɔ, man Anannganman ko sunman wɔ!»

1 Samiɛl 17:46

Ndɛ aliɛ ba liɛ'n nun'n, Anannganman ´fa wɔ wla min sa nun, n ´kun wɔ, n ´kpɛ ɔ́ ti'n. N ´fa Filisti sonja'm be fuɛn'n m ´man anunman nin blo nnɛn mun ndɛ aliɛ ba liɛ'n nun. Ɔ man mɛn wunmuan'n ´si kɛ, Nyanmiɛn jin Izraɛlfuɛ'm be sin sakpa.