Daniɛl 3:15 - NYANMIƐN NDƐ'N 1998

¹⁵ Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 3:15 ပူးပေါင်းရင်းမြစ်များ

2 Famiɛn Mun 18:35

?Amuɛn sɔ'm be nun onin cɛ yɛ ɔ kwla deli i mɛn'n mín sa nun-ɔn? ?Yɛ Anannganman'n ´yo sɛ yɛ ɔ ´kwla de Zerizalɛm'n min sa nun-ɔn?› »

Ezipt Lɔ Tulɛ'n 32:32

Yaci bé sa tɛ'n cɛ be. Sɛ w'a yo-man sɔ'n, wuun kpɛ i kpo nunnun min dunman'n ɔ fluwa nga a klɛli'n nun.»

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 2:9

Sanngɛ sɛ amu'an kan-man laliɛ'n b'a kle-man min'n, amun wa wun sa nga n ´fa wla amun kwlaa amun nun'n. ?Yoo, amun kwlaa amu'an cici nan amun ´kan ato nin gblɛ ndɛ mun ´kle min? Amun `kanngan laliɛ'n be kle min, i liɛ'n n ´si kɛ amun kwla tu i bo'n kusu be gua su.»

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 6:16

Sanngɛ Daniɛl i kpɔfuɛ'm be sali bé sin ndɛndɛ kpa famiɛn'n i wun lɔ. Be seli i kɛ: «Nannan, a si jrɛin kɛ e Medifuɛ nin e Pɛrsfuɛ e mmla'n nun'n, famiɛn'n i ndɛ kun ng'ɔ ko kan'n, wuun ɔ'a kan, be kwla kpɛ-mɛn i wun kun.»

Daniɛl 6:20

Nglɛmun ndɛ kɛ wia'n ɔ ´tu i bo'n, famiɛn'n jasoli, ɔ ɔli asɔmɔli'm bé kunman'n su lɔ ndɛndɛ.

Matthieu 10:19

Sanngɛ blɛ nga be ´sanman amun'n, nán an koko ijɔlɛ wafa nga amun ´fa ijɔ'n, nin ndɛ nga amun ´ko kan'n ti. Ndɛ nga amun ´ko kan'n, Nyanmiɛn bɔbɔ wa kle amun dɔ kunngba sɔ'n su.

Matthieu 27:43

Ɔ fɛ i wla guali Nyanmiɛn su, sɛ Nyanmiɛn sɔ'n klo i'n, man ɔ de i siɛn'n, afin i waan ɔ ti Nyanmiɛn Wa.»

Marc 13:11

Kɛ be ´fa amun ko man sran mun'n, nán an dun mmua bu ndɛ nga amun ´kan'n i akunndan, sanngɛ an `kan ndɛ nga Nyanmiɛn fa man amun dɔ sɔ'n su'n, afin nán amun yɛ amun ´ijɔ-ɔ, Nyanmiɛn Wawɛ'n yɛ ɔ ´ijɔ-ɔ.

JÉSUS-CHRIST I DYASIN FE'N BO LUC KLELI'N 12:11

Kɛ be ´fa amun kɔ Nyanmiɛn ndɛ suanlɛ nin i srɛlɛ sua'm be nun, ɔ nin jɔlɛ difuɛ mun nin kpɛnngbɛn'm bé ja su'n, nán an koko ndɛ nga amun ´kan nan amu'an nyan amún ti'n, nin i kanlɛ wafa nga amun ´kan'n,

JÉSUS-CHRIST I DYASIN FE'N BO LUC KLELI'N 13:9

Sɛ e yo i sɔ-ɔ wienun-ɔn afuɛ b'ɔ ba lɔ'n, ɔ ´su. Sɛ e yo i sɔ nan ɔ'a su-man'n, a ko bu i bo.› »

Sa nga bé yôli'n 4:19

Piɛr nin Zan be usali be kɛ: «?Sɛ Nyanmiɛn wun kɛ é nyin yi amun bɔ é nyin yi-mɛn i'n, ɔ ti kpa? An `bu nian,

Sa nga bé yôli'n 5:29

Piɛr nin i wiengu kun mun be seli be kɛ: «Sɛ é nyin yi Nyanmiɛn tra sran mun'n, ɔ ti kpa tra kɛ é nyin yi sran'n.

Sa nga bé yôli'n 6:15

Jɔlɛ difuɛ bɔ be ti lɛ'n be kwlaa be niɛn i siin, i nyrun'n kacili be nyrun kɛ anz'm be liɛ'n sa.