Daniɛl 3:12 - NYANMIƐN NDƐ'N 1998

¹² Nannan, Sadrak nin Mesak, nin Abɛd-Nego bɔ be ti Zuif'n, bɔ a fali be siesieli akpasua'm bé su'n, be bu-man wɔ like fi. I sɔ'n ti b'a di-man ɔ́ nuan nun ndɛ'n su. Be waan be sɔ-man wɔ amuɛn'm be wie, yɛ b'a su-man ɔ sika ɔkwlɛ sran bɔ a takali'n.»

Daniɛl 3:12 ပူးပေါင်းရင်းမြစ်များ

Ɛstɛr 3:8

Aman seli famiɛn Asieris kɛ: «Nvle kun flanflan nvle nga a sie be'n be kwlaa be nun. Nvle sɔ'n nunfuɛ'm be nzuɛn'n ti i ngunmin, be mmla'm be nin be nga'm be liɛ'n ti-man kun. Be di-man ɔ mmla'm be su. Ɔ nin i fata-man kɛ a yaci be lɛ sa ngbɛn.

Nyanndra Mun 27:4

Ya tɛ'n ɔ man be kun sran-an ɔ yo ye. Anwlɛn fufu'n ɔ man be ´yo sa-a be wun-man nun. Anyinbloɛ'n i liɛ'n tra ngba, sran fi kwla jrɛn-mɛn i nyrun.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 2:49

Daniɛl srɛli famiɛn'n kɛ ɔ `fa Babilɔni akpasua'n ɔ `man Sadrak, nin Mesak, ɔ nin Abɛd-Nego kɛ be `nian su. Famiɛn kplinnin su. Daniɛl bɔbɔ liɛ'n, ɔ trannin famiɛn'n i awlo lɔ, ɔ yoli i mantanfuɛ.

Daniɛl 3:11

Ɔ waan sran kwlaa nga i waan ɔ koto-mɛn i bo nan ɔ su-mɛn i'n, be `yi i sin dan kun nun.

Daniɛl 3:16

Sadrak nin Mesak, ɔ nin Abɛd-Nego be tɛli famiɛn'n su kɛ: «Nannan, e liɛ'n e lɛ-man é ti kpliwlɛ.

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 3:30

I sin famiɛn'n wa mannin Sadrak nin Mesak, ɔ nin Abɛd-Nego bé sa su ekun, be nyannin nyrun kpa Babilɔni akpasua'n su.

Daniɛl 6:13

Kpɛkuun be ɔli trɛlɛlɛ be ko toli famiɛn'n yɛ be usɛli i kɛ: «?Nannan, w'a man-man mmla kɛ cɛn ba ablasan nga'm be nun'n sɛ sran kun ijɔ i amuɛn wie su annzɛ sɛ ɔ yaci wɔ lɛ nan ɔ manman sran uflɛ'n, be `to i sɔfuɛ'n be yi i asɔmɔli'm bé sin kunman'n nun?» Ɔ tɛli be su kɛ: «Kɛ n seli sɔ-ɔ, be kaci i-ɔ ɔ yo-man ye, ɔ ti kɛ e Medifuɛ nin e Pɛrsfuɛ e mmla'n sa, be kpɛ i wun-ɔn ɔ kpɛ-man.»

Daniɛl 6:14

Yɛ be seli famiɛn'n ekun kɛ: «Daniɛl b'ɔ ti kanga bɔ be ko fali be Zida lɔ bali'n be nun kun'n, i nyin yi-man ɔ, yɛ ɔ bu-man ɔ mmla nga a fali ɔ́ sa ti nzɔliɛ'n sieli su'n i like fi. Aliɛ ba kun nun ɔ srɛ i Nyanmiɛn'n kpɛ nsan.»

Sa nga bé yôli'n 17:7

Be yo sa nga Sezar waan nán man be yo'n, yɛ be waan famiɛn kun ekun wo lɛ, be flɛ i kɛ Jésus.»

Sa nga bé yôli'n 5:28

«?Y'a wla-man amún su nun kpa kɛ nán man an kle like bian sɔ'n i dunman nun kun? Sanngɛ nian, amu'an fa amun ndɛ sɔ'n b'a tru Zerizalɛm klɔ'n nun, an klo kɛ amun ´fa bian sɔ'n i wie ndɛ'n gua e su!»