Daniɛl 3:10 - NYANMIƐN NDƐ'N 1998

¹⁰ Nannan, a mannin mmla kɛ sran kwlaa wie ala b'ɔ ti awɛ'n, nin blo'n, nin sanngo'n, nin aluku'n, nin kote'n, nin sɛkɛsɛkɛ'n, ɔ nin ngowa ninnge uflɛ wie'm be tɛlɛ cɛ'n, ɔ `koto yɛ ɔ `utu i nyin ase nan ɔ `su sika ɔkwlɛ sran'n.

Daniɛl 3:10 ပူးပေါင်းရင်းမြစ်များ

1 Be Nyoliɛ 15:16

David seli Levifuɛ'm be kpɛnngbɛn'm be kɛ be siesie be niaan jue tofuɛ'm be sɛsɛsɛ. I waan be kan kle be kɛ be fa be ngowa kanlɛ ninnge mun. Ɔ seli be kɛ be bo be jru mun, nin be aluku mun, ɔ nin be aaba ndɛ mun. I waan be bo i kekle kpa be fa yi be aklunjuɛ'n i nglo.

1 Be Nyoliɛ 15:28

Izraɛlfuɛ'm be kwlaa be ´fa Anannganman i alaka'n be ´ba'n, wuun be ´bo be sro, wuun be ´fita nnɛn wɛ'n nun, wuun be ´bo awɛ nin aaba ndɛ mun, wuun be ´bo aluku nin jru mun.

2 Be Nyoliɛ 29:25

Famiɛn'n man Levifuɛ'm be ɔli Anannganman i sua'n nun lɔ. Aaba ndɛ, nin sanngo, ɔ nin jru o bé sa nun kɛ David, nin Gad b'ɔ ti famiɛn'n i jeliwafuɛ'n, ɔ nin Natan b'ɔ ti Nyanmiɛn nuan ijɔfuɛ'n be kannin'n sa, afin Anannganman yɛ man i nuan ijɔfuɛ'm be sieli i sɔ-ɔ.

Jue Mun 94:20

Jɔlɛ difuɛ tɛtɛ nga be kle sran'm be nyrɛnnɛn, sanngɛ wuun mmla'n wo bé sa nun, a nin bé bo ti-man kun.

Ezipt Lɔ Tulɛ'n 1:16

Ezipt famiɛn'n wlali bé su nun kpa kɛ: «Blɛ bɔ amun ´uka Ebre bla mun be ´wu ba'n, amun `nian ba nga be wu i'n kpa. Sɛ ɔ ti yasua'n, amun `kun i, sɛ kusu ɔ ti bla'n, amun `yaci i lɛ.»

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Daniɛl 3:11

Ɔ waan sran kwlaa nga i waan ɔ koto-mɛn i bo nan ɔ su-mɛn i'n, be `yi i sin dan kun nun.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 6:12

Be nga be kpɔ i'n be ɔli ndɛndɛ be ko toli i. Kɛ be ´kɔ'n, wuun ɔ o Nyanmiɛn srɛlɛ nin i manmanlɛ'n su.

Amɔs 6:5

An ´bo sanngo'n, wuun an ´kpankpan be ´to jue. David sɔnnzɔnlɛ ti able silɛ ninnge uflɛ mun yɛ amun kpɛ be ba-a.

Jean 11:57

Kɛ ɔ ´yo sɔ'n, wuun Nyanmiɛn nyrun jranfuɛ dandan mun nin Farizifuɛ mun b'a dun mmua b'a kan kle sran mun kɛ sɛ sran wie si kan Jésus wo'n, ɔ kan man be ko trɛ i.