Daniɛl 3:1 - NYANMIƐN NDƐ'N 1998

¹ Famiɛn Nɛbikadnɛzar man be yoli sika ɔkwlɛ sran kun. I nglo-nglo su'n ti mɛtri ablasan, yɛ i tɛtrɛ nun'n ti mɛtri nsan. Be ko tɛkɛli i Dira lɔ lika kpɛtɛkplɛɛ'n nun Babilɔni akpasua'n su.

Daniɛl 3:1 ပူးပေါင်းရင်းမြစ်များ

1 Famiɛn Mun 12:28

Famiɛn'n fali akunndan kun. Ɔ fali sika ɔkwlɛ fa yoli nannin ba nnyɔn yɛ ɔ seli nvle nunfuɛ'm be kɛ: «Izraɛlfuɛ mun, amu'an ɔ Zerizalɛm wie ala! Amun ninnge nga be ko fali amun Ezipt lɔ bali'n be yɛ be o yɛ .»

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Jue Mun 135:15

Nvle kun nga'm be amuɛn mun'n, jɛtɛ ufuɛ annzɛ sika ɔkwlɛ yɛ be fa yi be-ɔ. Be ti sran sa nuan like.

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Ezipt Lɔ Tulɛ'n 32:31

Moiz sɛli i sin Anannganman wun lɔ. Ɔ srɛli i kɛ: «Ee! Anannganman, sran sɔ'm be yoli sa tɛ dan kpa. Be yoli sika ɔkwlɛ amuɛn.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Zeremi 16:20

?Sran kun kwla yi like b'ɔ kwla niɛn i su-ɔ? ?Sɛ ɔ kwla yi'n, i sɔ like'n kwla niɛn i su?»

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 2:49

Daniɛl srɛli famiɛn'n kɛ ɔ `fa Babilɔni akpasua'n ɔ `man Sadrak, nin Mesak, ɔ nin Abɛd-Nego kɛ be `nian su. Famiɛn kplinnin su. Daniɛl bɔbɔ liɛ'n, ɔ trannin famiɛn'n i awlo lɔ, ɔ yoli i mantanfuɛ.

Daniɛl 3:14

Famiɛn'n usali be kɛ: «?Sadrak, Mesak, Abɛd-Nego, sakpa-sakpa yɛ amun waan amun sɔ-man min amuɛn mun, nan amun koto-man sika ɔkwlɛ sran nga n takali'n i bo nin-ɔn?

Daniɛl 3:30

I sin famiɛn'n wa mannin Sadrak nin Mesak, ɔ nin Abɛd-Nego bé sa su ekun, be nyannin nyrun kpa Babilɔni akpasua'n su.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Daniɛl 5:4

Be kwlaa sɔ'm be nɔnnin nzan, ɔ tili be kpa, kpɛkuun be manmannin amuɛn nga be fali sika ɔkwlɛ, nin jɛtɛ ufue, nin aaba, nin blalɛ, nin waka, ɔ nin yɛbuɛ be yoli'n.

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Ndɛ Nga Nyanmiɛn I Nuan Ijɔfuɛ Oze Kannin'n 8:4

Kɛ be ´sie be famiɛn mun'n, be bo-man min dunman nun, be ´sie bé su kpɛnngbɛn mun'n, n ti-man nun. Be fa jɛtɛ ufue nin sika ɔkwlɛ yɛ be yo amuɛn mun-ɔn, i sɔ'n ti kusu yɛ be wa wie nunnun nin-ɔn.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.

Mmla'n 7:25

Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Sa nglô yile 9:20

Sran nga like sroesroe sɔ'm b'a kun-man be'n, b'a kaci-man be nzuɛn'n, yɛ b'a yaci-man like nga be bɔbɔ be yoli'n be sɔlɛ. Be sɔ mmusu mun, nin amuɛn bɔ be fa sika ɔkwlɛ, nin jɛtɛ ufue, nin aaba, nin yɛbuɛ, nin waka be fa yo be'n. Ninnge nga be yo be sɔ'n be wun-man ase, be ti-man sa, yɛ be kwla nanti-man .