Daniɛl 2:9 - NYANMIƐN NDƐ'N 1998

⁹ Sanngɛ sɛ amu'an kan-man laliɛ'n b'a kle-man min'n, amun wa wun sa nga n ´fa wla amun kwlaa amun nun'n. ?Yoo, amun kwlaa amu'an cici nan amun ´kan ato nin gblɛ ndɛ mun ´kle min? Amun `kanngan laliɛ'n be kle min, i liɛ'n n ´si kɛ amun kwla tu i bo'n kusu be gua su.»

Daniɛl 2:9 ပူးပေါင်းရင်းမြစ်များ

1 Famiɛn Mun 22:22

I waan: ‹N ´ko yo ato wawɛ, n ´wlu famiɛn'n i wunnzue yifuɛ'm be nun, ɔ man be ´bua ato.› Yɛ Anannganman seli i kɛ: ‹Sakpa, sɛ a yo i sɔ'n, a ´nyɛn i mlɔnmlɔnmlɔn. Kɔ nan yo i sɔ.›

1 Famiɛn Mun 22:6

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»

Ɛstɛr 4:11

«Sran'm be kwlaa, i famiɛn'n i sran mun o, i siewlɛ'n i akpasua'm be su sran mun o, be si mmla'n. Be si kɛ sran kwlaa, i bla o, i yasua o, sran kwlaa nga b'a flɛ-mɛn i b'ɔ wlu famiɛn i awlo'n klun lɔ'n, i sɔ sran liɛ'n be kun i. Sɛ a wun kɛ ɔ ´fite nun'n, wuun famiɛn'n ɔ'a fɛ i sika ɔkwlɛ kpɔnman'n ɔ'a tinngɛ i nyrun. N kusu, n cɛn ba ablasan yɛ, be nian flɛ-man min kɛ n wlu famiɛn'n sin lɔ.»

Nyanndra Mun 12:19

Sran ng'ɔ di nanwlɛ'n, ɔ lɛ wunmiɛn titi. Ato buafuɛ'n i liɛ'n, ɔ lɛ-man jransuɛ bɔ kaan sa.

Ezai 41:23

Amun `kan sa nga be wa ba'n kle ye. I liɛ'n, e si kɛ amun ti Nyanmiɛn sakpa. Amun `yo sa kpa kaan kun annzɛ kusu sa tɛ kaan kun man e nian, nan e kwlakwla e wun i weiin.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezekiɛl 13:17

«Siɛn liɛ'n, klɔ sran, kpɛ ɔ́ nyin ɔ nvle'n nun bla nga be kpɛ bé ti nun be kan kɛ sa wie'm be su wa ju'n bé su.

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Ezekiɛl 13:6

Be aolia nun sa nga be wun be'n be ti ngbɛn-ngbɛn, wunnzue nga be yi'n ɔ ti ato. Be se kɛ: Ndɛ nga Anannganman kan'n yɛ, kusu wuun nán Anannganman'n yɛ ɔ sunmannin be-ɔ. Be yo man sran'm be fa bé wla gua su kɛ be ndɛ'n i nuan wa yia.

Daniɛl 2:16

Yɛ Daniɛl ko toli famiɛn nin-ɔn, ɔ srɛli i kɛ ɔ mɛn i blɛ nan sɛ ɔ yo'n ɔ wa tu laliɛ'n i bo kle i.

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 2:8

Famiɛn'n seli be ekun kɛ: «N si jrɛiin kɛ amun nyinfu amun waan amun ´cuɛn-cuɛn ndɛ'n i ase, afin amun si kɛ ndɛ nga n ko kan'n yɛ m'an kɛn i lɛ-ɔ.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.