Daniɛl 2:6 - NYANMIƐN NDƐ'N 1998

⁶ Sɛ kusu amun bɔbɔ amun kanngan laliɛ'n, nan amun tu i bo be gua su'n, n ´cɛ amun ninnge kpakpa, yɛ amun ´nyan nyrun dan kpa. I sɔ'n ti, amun `kanngan laliɛ sɔ'n nan amun `tu i bo be gua su.»

Daniɛl 2:6 ပူးပေါင်းရင်းမြစ်များ

Daniɛl 2:48

I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 5:29

Be ja nun lɛ Bɛlsazar seli i sufuɛ'm be kɛ be `kla Daniɛl i famiɛn kondro ɔkwlɛ kankankan nan be `fa sika ɔkwlɛ njuaba be wlɛ i kɔmin. Ɔ kɛnnin i ekun kɛ ɔ'a fɛ i ɔ'a yo i mantanfuɛ'm be nsan su.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Kalɛ 22:17

Afin n wa yo man a nyan nyrun dan kpa. Like kwlaa nga ɔ waan n `yo man wɔ'n, n ´yo. Bla, n ´srɛ wɔ, bla wa bo nvle nga i sannzan man min.»

Kalɛ 22:37

Balak seli Balaam kɛ: «?M'an yi-man sran kɛ be ko flɛ wɔ? ?Nzu ti yɛ w'a ba-man nin-ɔn? ?A bu i kɛ n su kwlaa yo-man nan ɔ nyrun'n ɔ ba-man nyan ti-ɔ?»

Kalɛ 22:7

Kɛ Moab kpɛnngbɛn nin Madian kpɛnngbɛn'm be ´kɔ'n, be fali like kɛ be ´ko di Balaam b'ɔ ti wunnzue yifuɛ'n i nɛnnɛn. Kɛ be toli Balaam lɔ'n, be kannin Balak i nuan su ndɛ'n kleli i.

Kalɛ 24:11

Kɔ siɛn'n, kɔ ɔ klɔ. N seli wɔ kɛ n wa man wɔ anyrunnyan, sanngɛ Anannganman ɔ'a kplin-man su kɛ a nyan nyrun sɔ'n.»