Daniɛl 2:49 - NYANMIƐN NDƐ'N 1998

⁴⁹ Daniɛl srɛli famiɛn'n kɛ ɔ `fa Babilɔni akpasua'n ɔ `man Sadrak, nin Mesak, ɔ nin Abɛd-Nego kɛ be `nian su. Famiɛn kplinnin su. Daniɛl bɔbɔ liɛ'n, ɔ trannin famiɛn'n i awlo lɔ, ɔ yoli i mantanfuɛ.

Daniɛl 2:49 ပူးပေါင်းရင်းမြစ်များ

Ɛstɛr 2:19

Be wa yiali talua mun kpɛ nnyɔn su. Kɛ ɔ ´yo sɔ'n, wuun Mardose ti famiɛn'n i komin.

Ɛstɛr 2:21

Le kun Mardose o i junman'n su lɛ, kpɛkuun famiɛn'n i sua'm be su nianfuɛ nnyɔn bɔ be flɛ kun Bigtan yɛ be flɛ kun Terɛs bɔ be fali famiɛn'n i wun ya'n, be buli i kunlɛ akunndan.

Ɛstɛr 3:2

Famiɛn'n waan i sran nga be o i anuan nun lɛ'n be koto Aman bo. Be kwlaa be koto i bo sanngɛ Mardose koto-mɛn i bo wie.

Nyanndra Mun 28:12

Sɛ klun-ufuefuɛ mun yɛ be sie klɔ'n, kɔmin nga be nyɛn i'n ɔ ti sran kwlaa liɛ. Sanngɛ sɛ klunwifuɛ mun yɛ be o lɛ'n, sran'm be fia.

Zeremi 39:3

Kpɛkuun Babilɔni famiɛn'n i awlo lɔ sran dandan'm be kwlaa be wa trannin anuan nga be flɛ i kɛ klɔ Afiɛn Anuan'n nun. Be flɛ sran dan sɔ'n kun Nɛrgal-Sarɛzɛr. Ɔ ti awlo lɔ sran dandan'm be nun dan'n kun. Be flɛ kun kɛ Samgar-Nɛbi, yɛ kun suan Sarsɛkim, i yɛ ɔ ti famiɛn'n i sran b'ɔ lafi i su kpa nin-ɔn. Babilɔni famiɛn'n i awlo lɔ sran dandan'm be kwlakwla be bali lɛ wie.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 1:7

Famiɛn'n i junman difuɛ'm be su kpɛn'n tɔnnin be dunman uflɛ. Daniɛl liɛ'n yɛlɛ Bɛltsazar, Anania liɛ'n yɛlɛ Sadrak, Mikaɛl liɛ'n yɛlɛ Mesak, yɛ Azaria liɛ'n yɛlɛ Abɛd-Nego.

Daniɛl 2:17

I sin Daniɛl ɔli i awlo ɔ ko kannin ndɛ sɔ'n i kwlaa kleli i janvuɛ Anania, nin Mikaɛl, ɔ nin Azaria.

Daniɛl 3:1

Famiɛn Nɛbikadnɛzar man be yoli sika ɔkwlɛ sran kun. I nglo-nglo su'n ti mɛtri ablasan, yɛ i tɛtrɛ nun'n ti mɛtri nsan. Be ko tɛkɛli i Dira lɔ lika kpɛtɛkplɛɛ'n nun Babilɔni akpasua'n su.

Daniɛl 6:2

Dariis sieli i famiɛn diwlɛ'n i akpasua'm bé su kpɛnngbɛn ya-kun-ablaɔn. Ɔ wunnin kɛ sɛ ɔ yo i sɔ-ɔ ɔ ti kpa. Sran sɔ mun yɛ be ´jran awa i nuan akpasua'm be su lɔ-ɔ.

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!