Daniɛl 2:48 - NYANMIƐN NDƐ'N 1998

⁴⁸ I sin famiɛn'n mannin Daniɛl i sa su dan, yɛ ɔ mɛnnin i ninnge kpakpa kaka kpa. Ɔ fali Babilɔni akpasua'n mɛnnin i kɛ ɔ sie i. Ɔ sieli i ekun kɛ ɔ `yo ngwlɛlɛfuɛ nga be o Babilɔni lɔ'n be kwlaa be su kpɛn.

Daniɛl 2:48 ပူးပေါင်းရင်းမြစ်များ

2 Samiɛl 19:32

Barzilai b'ɔ ti Galaadfuɛ'n, ɔ fin Rɔgelim lele bali. Ɔ ko sunmannin famiɛn'n lele kpɛli Zurdɛn'n.

2 Famiɛn Mun 5:1

Naaman b'ɔ ti Siri lɔ famiɛn'n i sonja'm be su kpɛn'n, i wun yo i min'n i fɛ kpa, yɛ ɔ lɛ nyrun i sa nun, yɛlɛ kɛ i yɛ man Anannganman deli Sirifuɛ mun-ɔn. Sanngɛ sran dan sɔ'n b'ɔ ti safunyrɛn'n, ɔ ti kokowefuɛ.

Zɔb I Nyrɛnnɛn Wunlɛ 1:3

Ɔ lɛ bua akpi nso (7.000), nin nyɔnngɔnmɛn akpi nsan (3.000), nin nannin nnyɔn-nnyɔn sɔ ya nnun, ɔ nin aflunmun bla ya nnun. I sa nun sran'm be sɔnnin kpa. Be nga be tran wia afiliɛ lɔ lika nun'n, i dunman'n fuli trali be kwlaa.

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Daniɛl 2:6

Sɛ kusu amun bɔbɔ amun kanngan laliɛ'n, nan amun tu i bo be gua su'n, n ´cɛ amun ninnge kpakpa, yɛ amun ´nyan nyrun dan kpa. I sɔ'n ti, amun `kanngan laliɛ sɔ'n nan amun `tu i bo be gua su.»

Daniɛl 3:1

Famiɛn Nɛbikadnɛzar man be yoli sika ɔkwlɛ sran kun. I nglo-nglo su'n ti mɛtri ablasan, yɛ i tɛtrɛ nun'n ti mɛtri nsan. Be ko tɛkɛli i Dira lɔ lika kpɛtɛkplɛɛ'n nun Babilɔni akpasua'n su.

Daniɛl 3:12

Nannan, Sadrak nin Mesak, nin Abɛd-Nego bɔ be ti Zuif'n, bɔ a fali be siesieli akpasua'm bé su'n, be bu-man wɔ like fi. I sɔ'n ti b'a di-man ɔ́ nuan nun ndɛ'n su. Be waan be sɔ-man wɔ amuɛn'm be wie, yɛ b'a su-man ɔ sika ɔkwlɛ sran bɔ a takali'n.»

Daniɛl 3:30

I sin famiɛn'n wa mannin Sadrak nin Mesak, ɔ nin Abɛd-Nego bé sa su ekun, be nyannin nyrun kpa Babilɔni akpasua'n su.

Daniɛl 4:6

N seli i kɛ: ‹Bɛltsazar, a ti sa sifuɛ'm bé su kpɛn, n si kɛ Nyanmiɛn Kpli'n i wawɛ'n wo ɔ nun. I sɔ'n ti, nvialiɛ nun sa'm be wunlɛ ti-man kekle ɔ́ sa nun. Tutu laliɛ nga n cɛnnin'n i bo kle min.

Daniɛl 4:9

I nnya'm be ti klanman, yɛ i mma'm be sɔnnin kpa. I mma sɔ mun yɛ like kwlaa di-ɔ. Blo nnɛn'm be wa fiɛ i fɔnvɔ'n bo. Anunman'm be yo bé sua i sama'm be nun. I yɛ ɔ ta ninnge nga be de wunmiɛn bɔ Nyanmiɛn yili be'n be kwlaa-a.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:16

N tili i kɛ ɔ liɛ'n, a kwla tutu nyanndra nun sa'm be bo, yɛ a kwla yiyi nvialiɛ nun sa'm be nun. Sɛ a kwla kanngan fluwa nga be klɛli i yɛ'n nan a tu i bo kle min'n, be ´kla ɔ wun famiɛn kondro ɔkwlɛ kankankan, be ´wla ɔ kɔmin sika ɔkwlɛ njuaba, kpɛkuun a wa yo min mantanfuɛ'm be nsan su.»

Daniɛl 5:29

Be ja nun lɛ Bɛlsazar seli i sufuɛ'm be kɛ be `kla Daniɛl i famiɛn kondro ɔkwlɛ kankankan nan be `fa sika ɔkwlɛ njuaba be wlɛ i kɔmin. Ɔ kɛnnin i ekun kɛ ɔ'a fɛ i ɔ'a yo i mantanfuɛ'm be nsan su.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Kalɛ 24:11

Kɔ siɛn'n, kɔ ɔ klɔ. N seli wɔ kɛ n wa man wɔ anyrunnyan, sanngɛ Anannganman ɔ'a kplin-man su kɛ a nyan nyrun sɔ'n.»

1 Samiɛl 17:25

Be waan: «?Amun wun sran ng'ɔ ´ba lɛ'n? E klɔklɔlɛ ti yɛlɛ nga b'ɔ ´tiatia ba lɛ'n. Sran ng'ɔ kun i'n, famiɛn'n ´man ɔ nyɛn i wun, ɔ ´fɛ i wa bla'n mɛn i kɛ ɔ jɛ i. Yɛ kusu i osufuɛ'm be ´nyan bé ti lapo tualɛ'n nun.»

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.

1 Samiɛl 25:2

Bian kun fin Kalɛb i osu nun. Ɔ fin Maɔn sanngɛ ɔ tran Karmɛl. Be flɛ bian sɔ'n kɛ Nabal, be flɛ i yi'n kɛ Abigail. Abigail si ngwlɛlɛ kpa yɛ ɔ ti klanman, yasua'n kusu ti tɛ, i like yolɛ yo ya. Sanngɛ ɔ ti sran dan kpa. I bua'm be ti akpi nsan (3.000), yɛ i boli'm be ti akpi. I nnɛn sɔ'm be ndrɛ kpɛlɛ juli.