Daniɛl 2:45 - NYANMIƐN NDƐ'N 1998

⁴⁵ I nyanndra yɛlɛ yɛbuɛ nga bɔ nán sran yɛ ɔ toli-ɔ, b'ɔ fɛ i oka'n su lɔ vii ɔ wa fufuli blalɛ, nin aaba, nin wufa, nin jɛtɛ ufue, ɔ nin sika ɔkwlɛ'n be nun bɔ be kacili sanmlɛn'n. Nannan, Nyanmiɛn Kpli'n fali sa nga be wa ju'n kleli wɔ. Ɔ laliɛ'n ɔ ti sa nga be wa ju'n be nglo yilɛ sakpa, yɛ i bo nga n ´tu kle wɔ yɛ'n kusu, bu i nanwlɛ, yɛ lafi su.»

Daniɛl 2:45 ပူးပေါင်းရင်းမြစ်များ

Bo Bolɛ 41:26

Nannin nglanman nso'm be ti afuɛ nso, ble ja b'ɔ wlɔli nso bɔ i su ba'm be ti nglanman nso'n be kusu be ti afuɛ nso, sanngɛ laliɛ kunngba nin-ɔn.

Bo Bolɛ 41:28

Nan famiɛn, yɛ n kɛnnin i icra nin-ɔn. Nyanmiɛn waan ɔ ´fa like ng'ɔ wa yo'n kle wɔ.

Bo Bolɛ 41:32

Kɛ a cɛnnin laliɛ kunngba'n kpɛ nnyɔn lɛ'n, ɔ kle kɛ Nyanmiɛn kaci i-ɔ ɔ yo-man ye, nan ɔ su sisi-mɛn i bo i yolɛ'n nun.

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Zɔb I Nyrɛnnɛn Wunlɛ 36:26

Nanwlɛ Nyanmiɛn ti dan lele tratra su, sran kwla wun-mɛn i sin. Be kɛ i afuɛ nin-ɔn, ɔ yo-man ye .

Jue Mun 135:5

N wunnin kɛ Anannganman ti dan nan ɔ tra amuɛn'm be kwlakwla.

Jue Mun 145:3

Anannganman ti dan, ɔ nin manmanlɛ fata lele tra su. Be wun-mɛn i dan b'ɔ ti'n i sin .

Jue Mun 2:9

A ´fa ɔ famiɛn kpɔnman b'ɔ ti blalɛ'n yɛ a ´fa bo mɛn sɔ'm be nunfuɛ mun-ɔn. A ´bubu be nun kɛ be su bo sɛ bɔ be fa ufa be wu'n sa .› »

Jue Mun 48:1

Jue nga ti Kɔre i sran'm be liɛ. Be waan:

Jue Mun 96:4

Afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa .

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Daniɛl 2:24

Kɛ ɔ yoli sɔ'n, Daniɛl ɔli Arzɔk bɔ famiɛn'n seli kɛ ɔ `kun Babilɔni lɔ sa sifuɛ mun'n i wun lɔ. Kɛ ɔ juli lɔ'n, ɔ seli i kɛ: «Nán kun Babilɔni sa sifuɛ mun. Dun mmua min nyrun nan e wɔ famiɛn'n wun lɔ, nan n `ko tu i laliɛ'n i bo m mɛn i.»

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:29

Nannan, kɛ a lali'n, a cɛnnin blɛ ng'ɔ wa ba lɔ'n i su laliɛ. Kpɛkuun sran ng'ɔ yi nvialiɛ nun sa'm be nglo'n ɔ fali sa ng'ɔ wa ju'n kleli wɔ.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 21:24

Jésus seli be kɛ: «N kusu, m ma usa amun sa kun, sɛ an tɛ n su'n, n ´kle amun sran ng'ɔ man min atin bɔ n yo sa sɔ mun'n.

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

JÉSUS-CHRIST I DYASIN FE'N BO LUC KLELI'N 17:20

Le kun Farizifuɛ'm be seli Jésus kɛ ɔ kle be blɛ nga Nyanmiɛn wa sie sran mun'n, yɛ ɔ seli be kɛ: «Nyanmiɛn i sran'm be sielɛ'n ɔ ti-man like bɔ be wun kɛ i yɛ ɔ ´ba yɛ'n.

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Sa nglô yile 1:19

I sɔ'n ti, klɛ like nga a wunnin be bɔ be o lɛ kɛ e ´se yɛ'n, nin nga cɛn wie lele be ´yo'n.

Sa nglô yile 19:17

I sin n wunnin anz kun, ɔ jin wia'n nun. Ɔ kpan seli anunman bɔ be su tu sin'n be kwlaa be kɛ: «An `bla, an `wa yia wa, cɛn dan nga Nyanmiɛn wa di'n ti .

Sa nglô yile 4:1

Kɛ ɔ yoli sɔ'n, n ´nian-an b'a tike anuan kun nyanmiɛn su lɔ. Sran klikli nga n tili i nɛn'n, i nɛn'n tɛ kɛ awɛ sa, ɔ seli n kɛ: «Fu wa, m ma kle wɔ like nga cɛn wie lele ɔ wa yo'n.»