Daniɛl 2:44 - NYANMIƐN NDƐ'N 1998

⁴⁴ Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 2:44 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Samiɛl 7:13

I sɔfuɛ'n yɛ ɔ ´kplan sua man min-ɔn. N ´tɛkɛ i sielɛ'n tititi.

2 Samiɛl 7:16

Wɔ awlo'n nin ɔ sielɛ'n be ´taka a nin wɔ osufuɛ mun amun sa nun tititi, a ´tran famiɛn bia'n su yɛ ɔ sielɛ'n su kan-man ase le .› »

Jue Mun 145:13

Ɔ sielɛ'n wo lɛ tititi. Ɔ kwlalɛ bɔ a kwla'n wo lɛ blɛ kwlaa. Nda nga a ta'n, a yo i su sa'n. Ɔ kpa bɔ a ti'n ɔ fite su sa nga a yo'n i kwlaa nun.

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Ezekiɛl 37:25

Be ´tran mɛn nga n fa mannin min sufuɛ Zakɔb i nun, mɛn sɔ'n ɔ wo kan amun nannan'm be trannin lɛ'n. Be mma mun nin be anunman'm be ´tran nun tititi. Min sufuɛ David yɛ ɔ ´ka be su wlengbi tititi-ɔ .

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:34

A o lɛ a ´niɛn i siin kpɛkuun yɛbuɛ kun, bɔ nán sran yɛ ɔ toli'n, ɔ fɛ i oka su lɔ vii ɔ wa finnin i ja ngbabua bɔ be ti blalɛ nin wufa'n, nan b'a fufu.

Daniɛl 2:35

Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Daniɛl 2:37

A ti famiɛn'm be famiɛn, afin nglo-nglo lɔ Nyanmiɛn'n man a sie mɛn'n, ɔ mannin wɔ tinmin, nin wunmiɛn, ɔ nin anyrunnyan.

Daniɛl 2:43

Be kle ekun kɛ famiɛn wie'm be wa ja bé wun bla, sanngɛ be su di-man anuansɛ kɔ-man mmua. Ɔ ´yo kɛ blalɛ bɔ be kwla fa sanngan-man wufa nun'n sa.

Daniɛl 4:3

N seli kɛ be `yia Babilɔni sa sifuɛ'm be kwlaa kɛ be `wa tu min laliɛ'n i bo.

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Daniɛl 6:27

M bɔbɔ m'an man mmla kɛ, kɛ ɔ fin ndɛ'n, man sran nga bɔ n sie be'n be kwlakwla be `sro Daniɛl i Nyanmiɛn'n kpa, yɛ bé nyin `yi i. Afin ɔ ti Nyanmiɛn kun b'ɔ lafi-man. Ɔ o lɛ tititi, i famiɛn diwlɛ'n ɔ lɛ-man saciwlɛ, i kwlalɛ'n ɔ lɛ-man awieliɛ.

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Ndɛ Nga Nyanmiɛn I Nuan Ijɔfuɛ Aze Kannin'n 2:7

N ´keje aofuɛ'm be nun. Bé bo ninnge kpakpa'm be ´sɔn kpanngbangban. N ´yo man mín sua'n ´nyan nyrun ekun. M bɔbɔ min yɛ n kan sɔ-ɔ.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Jean 12:34

Sran'm be usɛli i kɛ: «E kɛnngɛn i mmla'n nun kɛ Krist su wu-man mlɔnmlɔn. ?Sɛ ɔ ti sɔ'n, ɔ yo sɛ yɛ man a se kɛ san be ´man i b'ɔ kacili Sran'n i su nin-ɔn? ?Sran b'ɔ kacili sɔ'n yɛlɛ wan ?»

Hébreu 12:28

I sɔ'n ti, man e yo Nyanmiɛn mo, afin e ´nyan mɛn b'ɔ keje-man'n. Man e su Nyanmiɛn i wafa ng'ɔ jɔ i klun'n srolɛ bɔ e sro i'n nin sran bɔ e bu i'n ti,

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 2:27

kɛ ń Si fa min sieli be su'n sa. Ɔ ´fa blalɛ kpɔnman ´kankan be, yɛ ɔ ´bo be kɛ be bo sɛ'n sa. Yɛ n ´fa awuɛ nzraama'n m ´man sran sɔ'n .