Daniɛl 2:40 - NYANMIƐN NDƐ'N 1998

⁴⁰ Famiɛn nnan su wa ba ekun. I sielɛ liɛ'n ɔ wa yo kekle kpa. I nzɔliɛ liɛ'n yɛlɛ blalɛ'n. Kɛ blalɛ'n fa fufu ninnge wafa-wafa'n kwlaa nun bɔ be kaci sanmlɛn'n, kɛ famiɛn sɔ'n i sielɛ'n ɔ wa yo sɔ-ɔ. Ɔ wa tin famiɛn kun nga'm be su, yɛ ɔ ´kpi be sielɛ liɛ'n i ase.

Daniɛl 2:40 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:17

Ɔ'a bubu min sa kplɔlɔlɔ. M'an wun-man sa bɔ n yoli-ɔ, sanngɛ like yaya'n yɛ ɔ fa yo min sa tititi-ɔ.

Zeremi 15:12

?Blalɛ kun kwla bu mɛn'n i nglo lɔ lika'n nun blalɛ'n annzɛ aaba nun-ɔn ɔ yo ye?

Daniɛl 2:33

i ja'm be ti blalɛ, i ja ngbabua'm be bue ti blalɛ yɛ be bue ti wufa.

Daniɛl 2:39

Ɔ sin famiɛn kun wa jaso su, i sielɛ'n su ju-man ɔ liɛ'n nun. Famiɛn nsan su'n wa jaso su ekun, i nzɔliɛ yɛlɛ aaba'n. Ɔ ´sie asiɛ wunmuan'n.

Daniɛl 2:41

A wunnin kɛ like sɔ'n i ja ngbabua nin i ja mma'm be bue ti wufa, yɛ be bue ti blalɛ. I bo'n yɛlɛ kɛ famiɛn sɔ'n i mɛn b'ɔ sie i'n i nun wa bubu. Sanngɛ i sielɛ sɔ'n i bue wa yo cinnjinnjin kɛ blalɛ sa, afin a wunnin kɛ blalɛ nin wufa be sanngan-sanngan nun.

Daniɛl 7:7

N tɛ wun ninnge mun kɔnguɛ sɔ'n. N ´nian-an, nnɛn'n i nnan su'n yɛ ɔ o yɛ. I sroesroe liɛ'n, ɔ kun srɛ dan, yɛ i fanngan b'ɔ lɛ i'n, be wun-man like bɔ be fa sunnzun i-ɔ. I je'm be ti kɛ blalɛ sa, be ti sa glaunglaun, yɛ ɔ fa titi ninnge'm be nun-ɔn. Kpɛkuun ɔ di be yɛ ɔ tiatia i onga'n su. Ɔ nin nnɛn klikli nsan'm be wafa ti-man kun mlɔnmlɔn. I wɛ liɛ'm be ti blu.

Daniɛl 8:24

I tinmin'n wa yo dan kpa, sanngɛ nán kɛ tinmin sɔ'n fin i bɔbɔ ti-ɔ. Ɔ wa saci ninnge mun kpa, like kwlaa ng'ɔ wa yo'n, ɔ ´yo ye i sa nun. Ɔ ´nunnun sran nga be ti tinwa mun nin Nyanmiɛn i nvle'n nunfuɛ mun bɔbɔ .

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Amɔs 1:3

Anannganman'n wan yoo: «Sirifuɛ nga be o Damas'n be sa tɛtɛ nga b'a yo'n sɔnnin. Bé wun ndɛ ng'ɔ o min klun'n ti-man blɛblɛ. Be jɔjɔli Galaadfuɛ'm be nun kɛ asiɛ nun fundanlɛ blalɛ wie yɛ b'a fa sin be su sa. Ɔ man e nin be y'a nyɛn i.

Jean 11:48

Sɛ e yaci i lɛ nan ɔ yo sɔ'n, sran'm be kwlaa be ´lafi i su yɛ Rɔmfuɛ'm be wa saci e Nyanmiɛn'n sua'n nin e nvle'n.»