Daniɛl 2:35 - NYANMIƐN NDƐ'N 1998

³⁵ Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Daniɛl 2:35 ပူးပေါင်းရင်းမြစ်များ

Zɔb I Nyrɛnnɛn Wunlɛ 6:17

Yɛ kɛ wawa'n ko kpɛn'n, bɔ wia'n ´bo'n, kpɛkuun nzue'n ɔ'a wie nun.

Jue Mun 103:16

Kɛ aunngban fiaan'n ko fita ijre'n su'n, wuun ɔ'a wu. Be wun-mɛn i osu kun.

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 37:10

Ɔ ka kaan sa, be su wun-man klunwifuɛ'n kun. Sɛ a nian kan ɔ tran lɛ'n, a su wun-man sran .

Jue Mun 37:36

Sanngɛ kɛ n wa sinnin kan ɔ o lɛ'n ekun'n, m'an wun-man sran fi lɛ. N kunndɛli i lele ngbɛn.

Jue Mun 46:9

Amun `bla be wa nian sa nga Anannganman yo'n, amun `nian sa sroesroe ng'ɔ yo i asiɛ'n su'n.

Jue Mun 66:4

Asiɛ wunmuan'n sufuɛ'm be koto ɔ bo, be to jue be bo flɛ wɔ. Sakpa, be to jue be bo flɛ wɔ.»

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Ndɛ Nga Nyanmiɛn I Nuan Ijɔfuɛ Oze Kannin'n 13:3

I sɔ'n ti'n be wa sin kɛ nglɛmun nun nyanmiɛn ble bɔ be wun i kan kpɛkuun ɔ'a titi'n sa. Be wa wie kɛ nyansue b'ɔ wie kpɛ kunngba'n sa. Be wa yo kɛ ble wla bɔ aunngban'n fitɛ i kɔ kple nga be bo ble'n su i wun mmua'n sa. Be wa yo kɛ sin wɛnsrɛn b'ɔ fin sua ti nun fite'n sa.

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

1 Korɛntfuɛ Mun 15:25

Afin ɔ ´sie lele san Nyanmiɛn man ɔ ´tiɛ i kpɔfuɛ'm be kwlaa be su ,

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 12:8

Dragɔn'n ɔ'a nyan-man jranwlɛ, b'a mɛn-mɛn i nin i anz'm be lika nyanmiɛn su lɔ kun.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.