Daniɛl 2:34 - NYANMIƐN NDƐ'N 1998

³⁴ A o lɛ a ´niɛn i siin kpɛkuun yɛbuɛ kun, bɔ nán sran yɛ ɔ toli'n, ɔ fɛ i oka su lɔ vii ɔ wa finnin i ja ngbabua bɔ be ti blalɛ nin wufa'n, nan b'a fufu.

Daniɛl 2:34 ပူးပေါင်းရင်းမြစ်များ

Jue Mun 118:22

Yɛbuɛ nga sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase-ɔ .

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Ezekiɛl 32:28

Sanngɛ amun Eziptfuɛ mun, amun ´wu wie yɛ be ´sie amun be nga b'a wla-man be klɛn bɔ alɛ'n ɔ dili be'n be nun.

Ezekiɛl 47:5

Ɔ sunnzunnin lika mɛtri ya nnun ekun, sanngɛ siɛn liɛ'n n kwla kpɛ-man nzue'n kun, yɛlɛ kɛ ɔ'a yi dan. Siɛn'n, sɛ be waan be ´kpɛ nzue dan sɔ'n san i wɛlɛ.

Daniɛl 2:33

i ja'm be ti blalɛ, i ja ngbabua'm be bue ti blalɛ yɛ be bue ti wufa.

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Daniɛl 8:25

Gblɛ b'ɔ si i kpɛ dan'n ti'n, ɔ ´laka sran mun. I wun tulɛ'n ti'n, ɔ ´nunnun sran kpanngban bɔ be bu i kɛ be su di alaje'n. Yɛ ɔ wa jaso famiɛn'm be Famiɛn'n i wun. Sanngɛ ɔ wa tɔ, sran sa su kɛn-mɛn i nan ɔ'a tɔ .

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Jean 1:13

Nyanmiɛn wa bɔ be ti'n, b'a wu-man be kɛ be fa wu ba'n sa, b'ɔ fin yasua nin bla bɔ be klo kɛ be ´nyan ba'n, sanngɛ Nyanmiɛn bɔbɔ yɛ ɔ wuli be-ɔ.

Sa nga bé yôli'n 4:11

Jésus sɔ'n yɛ be klɛli i wun ndɛ kɛ: ‹Yɛbuɛ bɔ amun sua kplanfuɛ mun an yili i blo'n. I yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase nin-ɔn .›

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.

1 Piɛr 2:7

Amun bɔ an lafi yɛbuɛ sɔ'n su'n, ɔ ti amun like kpa. Sanngɛ ɔ seli be nga be lafi-mɛn i su'm be kɛ: «Yɛbuɛ bɔ sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase nin-ɔn .

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»