Daniɛl 2:3 - NYANMIƐN NDƐ'N 1998

³ Ɔ seli be kɛ: «N cɛnnin laliɛ kun, ɔ'a bo mín wla dan kpa, i sɔ ti n klo kɛ amun kanngan laliɛ sɔ'n be kle min.»

Daniɛl 2:3 ပူးပေါင်းရင်းမြစ်များ

Bo Bolɛ 40:8

Yɛ be waan: «E cɛnnin laliɛ e nyan-man sran nan ɔ'a tu i bo ɔ'a man ye.» Yɛ Zozɛf waan: «?Nán Nyanmiɛn sa nun yɛ ninnge kwlaa be bo tulɛ'n fin-ɔn? An `kan kle min man n nian e.»

Bo Bolɛ 41:15

Famiɛn'n seli Zozɛf kɛ: «N cɛnnin laliɛ kun, sran fi kwla tu-mɛn i bo kle-man min. N tili i kɛ sɛ be kan laliɛ be kle wɔ'n, a tu i bo.»

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.