Daniɛl 2:25 - NYANMIƐN NDƐ'N 1998

²⁵ Arzɔk fɛli i ɔli famiɛn'n nyrun lɔ trɛlɛlɛ, nan ɔ'a se famiɛn'n kɛ: «Nannan, be nga bɔ a man be trali be Zida mɛn'n nun lɔ bali'n, m'an wun kun be nun b'ɔ kwla tu ɔ laliɛ'n i bo.»

Daniɛl 2:25 ပူးပေါင်းရင်းမြစ်များ

Bo Bolɛ 41:14

Yɛ Ezipt famiɛn'n man be ko flɛli Zozɛf-ɔ. Be yili i bisua'n nun ndɛndɛ fiteli. Ɔ yili i akanza'n, ɔ wlali tralɛ uflɛ, yɛ ɔ ɔli Ezipt famiɛn'n nyrun lɔ-ɔ.

Neemi 7:6

Be nga Babilɔnifuɛ'm be famiɛn Nɛbikadnɛzar trali be lomuɛn ɔli'n, be sunman be sali bé sin bali Zerizalɛm annzɛ Zida nvle'n nun. Be ɔli be klɔklɔ nga be fin su'm be su.

Nyanndra Mun 24:11

Be nga be su kɔ be kunlɛ'n, de be. Be nga be di be ndɛ bɔ be su kɔ be kunlɛ'n, yo man be yaci be nun.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Daniɛl 1:6

Daniɛl , nin Anania, nin Mikaɛl, ɔ nin Azaria bɔ be fin Zida akpasua'n su'n be o be nun wie.

Daniɛl 5:13

Yɛ be fali Daniɛl ɔli famiɛn'n i nyrun lɔ-ɔ. Famiɛn'n ɔ usɛli i kɛ: «?Wɔ yɛ a suan Daniɛl nin-ɔn? ?A ti Zuif nga mín si b'ɔ ti famiɛn'n ko fali be kɛ kanga sa Zida lɔ bali'n be nun kun?

Daniɛl 6:13

Kpɛkuun be ɔli trɛlɛlɛ be ko toli famiɛn'n yɛ be usɛli i kɛ: «?Nannan, w'a man-man mmla kɛ cɛn ba ablasan nga'm be nun'n sɛ sran kun ijɔ i amuɛn wie su annzɛ sɛ ɔ yaci wɔ lɛ nan ɔ manman sran uflɛ'n, be `to i sɔfuɛ'n be yi i asɔmɔli'm bé sin kunman'n nun?» Ɔ tɛli be su kɛ: «Kɛ n seli sɔ-ɔ, be kaci i-ɔ ɔ yo-man ye, ɔ ti kɛ e Medifuɛ nin e Pɛrsfuɛ e mmla'n sa, be kpɛ i wun-ɔn ɔ kpɛ-man.»