Daniɛl 2:23 - NYANMIƐN NDƐ'N 1998

²³ Min nannan'm be Nyanmiɛn, n ´la wɔ ase, m ´manman wɔ sa wlɛ wunlɛ nin wunmiɛn bɔ a mannin min'n ti. A fali like nga e srɛli wɔ'n a kleli min, a kle ye like nga famiɛn'n kunndɛ kɛ ɔ ´si i'n.»

Daniɛl 2:23 ပူးပေါင်းရင်းမြစ်များ

Bo Bolɛ 18:17

Yɛ Anannganman seli kɛ: «N fa sa nga n wa yo'n n fia Abraam wun-ɔn ɔ yo-man ye.

Bo Bolɛ 31:42

Sɛ min nannan Abraam i Nyanmiɛn bɔ min si Izaak sro i'n ɔ'a uka-man min'n, sɛ ɔ nin min nun-man nun'n, wuun m'an nyan-man like fi yɛ a yacili min nun m bali-ɔ. Nyanmiɛn wunnin min wun ase nga n kannin'n nin junman dan nga n dili'n, ɔ man ndɛ kɔnguɛ ɔ seli min kɛ ɔ o min sin.

1 Famiɛn Mun 18:36

Kɛ blɛ nga be yi nnɔsua wia'n nun sraka'n juli'n, Eli ko jrannin nzrafuɛ'm be nyrun lɛ, yɛ ɔ seli kɛ: «Anannganman, Abraam Nyanmiɛn, Izaak Nyanmiɛn yɛ Zakɔb Nyanmiɛn, yo man ndɛkɛn be si kɛ wɔ yɛ a ti Izraɛl Nyanmiɛn nin-ɔn, nan n kusu n ti ɔ sufuɛ, nan wɔ yɛ man n yoli like nga kwlaa-a.

1 Famiɛn Mun 8:57

Man Anannganman e Nyanmiɛn'n ɔ nin ye tran kɛ ɔ nin e nannan mun fa trannin'n sa. Nán ɔ kpɔci ye, nán ɔ yi ye ase.

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

1 Be Nyoliɛ 29:13

I ti e Nyanmiɛn, e ´manman wɔ, yɛ e ´bo flɛ wɔ, afin ɔ dunman'n yo nyɛnmɛn.

2 Be Nyoliɛ 20:6

Ɔ srɛli Nyanmiɛn seli kɛ: «Anannganman, e nannan'm be Nyanmiɛn'n, wɔ yɛ a ti famiɛn nyanmiɛn su lɔ-ɔ, wɔ yɛ a sie nvle-nvle mun-ɔn. A lɛ wunmiɛn, a lɛ tinmin, ɔ man sran fi kwla fɛ i ti kplakpla-man wɔ.

Jue Mun 21:2

Anannganman, famiɛn'n i klun ti jɔwa, afin a niɛn i su sakpa. Kɛ a de i'n, ɔ yo i fɛ dan.

Jue Mun 21:4

Ɔ klun-ufue'n ti, a yo i ye tititi. A fa famiɛn kle b'ɔ ti sika ɔkwlɛ'n a fa wlɛ i ti.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Ezipt Lɔ Tulɛ'n 3:15

I sin Nyanmiɛn kan guali su kɛ: «Kan kle Izraɛlfuɛ mun kɛ: ‹Anannganman b'ɔ ti amun nannan'm be Nyanmiɛn'n, Abraam, nin Izaak, nin Zakɔb be Nyanmiɛn'n yɛ ɔ sunmannin min amún sin-ɔn.› Min dunman ng'ɔ o lɛ titi'n yɛ ɔ o lɛ-ɔ, dunman nga yɛ blɛ'n kwlaa nun sran'm be ´fa flɛ min-ɔn.

Nyanndra Mun 21:22

Klɔ nga bɔ be si i wun kpa'n, bɔ be waan nán be kpɔfuɛ'n i ja tia su'n, sran ng'ɔ si akunndan'n ɔ kwla utu i sɔ klɔ'n, yɛ ɔ kwla bubu i wun talɛ'n bɔ be lafi su'n.

Nyanndra Mun 24:5

Sran kun b'ɔ o sa'n, i akunndan ng'ɔ o i ti nun'n yɛ ɔ mɛn i wunmiɛn nin-ɔn. I ngwlɛlɛ b'ɔ si i'n yɛ man ɔ kwla-a.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Akunndanfuɛ'n 7:19

Ngwlɛlɛfuɛ'n kannzɛ ɔ ti kunngba'n, ɔ lɛ fanngan tra klɔ nga i siefuɛ'm be ju blu'n.

Akunndanfuɛ'n 9:16

Yɛ n seli kɛ: «Ngwlɛlɛ'n i kpa liɛ'n, wunmiɛn'n to-mɛn i.» Sanngɛ be bu-man yalɛfuɛ'n i ngwlɛlɛ b'ɔ si i'n i like fi. I ndɛ ng'ɔ kan'n, sran'm be fa-man su.

Akunndanfuɛ'n 9:18

Ngwlɛlɛ'n i kpa liɛ'n, alɛ ninnge'm be to-mɛn i. Sa tɛ yofuɛ kunngba cɛ kwla saci like kpanngban.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 2:18

Ɔ seli be kɛ be `srɛ Nyanmiɛn b'ɔ o nglo lɔ b'ɔ ti aklunyefuɛ'n, nan ɔ `yi nvialiɛ nun sa sɔ'n i nglo `kle be kɛ ɔ ´yo nan b'a kun-man be nin Babilɔni lɔ sa sifuɛ mun'n ti.

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

JÉSUS-CHRIST I DYASIN FE'N BO LUC KLELI'N 10:21

I osu kunngba'n nun Nyanmiɛn Wawɛ'n man Jésus klun jɔli dan kpa, nan ɔ'a se kɛ: «N Si, wɔ bɔ a sie like'n kwlaa Nyanmiɛn su lɔ nin asiɛ'n su wa'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n. N Si, kwla o, ɔ klun sa nga a yoli'n ti yɛ n la wɔ ase-ɔ.

Jean 11:41

Be yili yɛbuɛ'n. Jésus mɛnnin i nyin su niannin Nyanmiɛn su lɔ, yɛ ɔ seli kɛ: «N Si, kwla o, afin ndɛ nga n kannin'n, a tili.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Sa nglô yile 1:1

Fluwa nga nun be kan sa nga ɔ cɛ kaan be wa yo'n, bɔ Nyanmiɛn fa wlali Jésus-Krist sa nun kɛ ɔ fa kle i sran mun'n i ndɛ. Krist sunmɛnnin i anz'n, ɔ wa yili be nglo kleli Zan b'ɔ ti i sran'n.

Sa nglô yile 5:5

Yɛ kpɛnngbɛn'm be nun kun seli n kɛ: «Nán sun. Nian asɔmɔli'n b'ɔ fin Zida osu nun'n, b'ɔ ti David anunman'n, ɔ kwlali, ɔ man ɔ ´kwla kpɛkpɛ like nso nga be fa cicili fluwa'n, yɛ ɔ ´nyannji nun .»