Daniɛl 2:22 - NYANMIƐN NDƐ'N 1998

²² I yɛ ɔ yi sa nga bé bo ti kploun'n nin nvialiɛ nun sa'm be nglo-ɔ. I yɛ ɔ si like ng'ɔ fia aosin nun nin-ɔn, afin lika ng'ɔ kpaja weiin sin yiɛ i .

Daniɛl 2:22 ပူးပေါင်းရင်းမြစ်များ

Bo Bolɛ 41:16

Zozɛf seli famiɛn'n kɛ: «Nannan, nán min yɛ n kwla tu i bo-ɔ. Nyanmiɛn yɛ ɔ kwla tu i bo klanman man wɔ-ɔ.»

Zɔb I Nyrɛnnɛn Wunlɛ 12:22

Kannzɛ like'n ɔ ti fiawa dan sɛ, sanngɛ ɔ yi i nglo. Kan aosin tuun'n wo lɛ'n, ɔ kpaja lɛ'n weiin.

Zɔb I Nyrɛnnɛn Wunlɛ 26:6

Afin Nyanmiɛn wun blɔlɔ lɔ weiin. Like fi kata-man kunman dan bɔ be si-mɛn i bo'n su b'ɔ man ɔ wun-man lɔ-ɔ.

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Jue Mun 36:9

Wɔ awlo'n nun ninnge kpakpa'n i wie yɛ be di-ɔ. Ɔ klun-ufue'n ti a man be nzue kpa be nɔn.

Akunndanfuɛ'n 8:1

?Wan yɛ ɔ ti kɛ akunndanfuɛ'n i sa, b'ɔ si sa nga be ju'n be bo-ɔ? Ngwlɛlɛ'n ɔ fite sran i ngban su, kpɛkuun i nyrun wiwi'n i kwlaa wie.

Ezai 41:22

Amun `wunnge wa nan amun `kan sa nga be wa ju'n kle ye. Sa nga bɔ amun dun mmua kannin be laa bɔ be kpɛnnin su'n, amun `kan be kle ye. I liɛ'n e ´bu be akunndan, yɛ kɛ amun kannin'n, sa nga be juli i sin'n, i liɛ'n e ´wun be. Annzɛ kusu amun `kan sa nga be wa ba'n kle ye. I liɛ'n, e ´si kɛ sa nga wa ju.

Ezai 41:26

?Wan yɛ ɔ dun mmua kannin sa sɔ'n bɔ man e kwla sili nun-ɔn? ?Wan yɛ ɔ dun mmua boli su lele nan ɔ'a ju bɔ man e kwla seli kɛ: «I ndɛ yo fɛ-ɔ?» Sran fi a kan-man, sran fi a ti-mɛn i kɛ be su kɛn i sɔ ndɛ, yɛ sran fi a kan-man amun nuan nun ndɛ fi y'a ti-man.

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Ezai 45:7

N yi lika b'ɔ kpaja weiin'n, yɛ n yi aosin tuun'n. N yo man sran'm bé wun jɔ be fɔuun, yɛ n kunngba'n n yo man nyrɛnnɛn'n ɔ ba be su. M bɔbɔ min Anannganman, min yɛ n yo ninnge sɔ'm be kwlakwla-a.

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Daniɛl 2:11

Nannan, sa nga a usali kɛ e yo i yɛ'n, ɔ ti kekle. Sran fi kwla tɛ-man su, san Nyanmiɛn Kpli yɛ ɔ kwla yo i sɔ sa liɛ nin-ɔn, yɛ kusu ɔ tran-man sran'm be afiɛn.»

Daniɛl 2:19

Kpɛkuun Nyanmiɛn yili nvialiɛ nun sa sɔ'n i nglo kleli Daniɛl aolia nun kɔnguɛ afiɛn. Nan Daniɛl ɔ'a la Nyanmiɛn b'ɔ o nglo lɔ'n i ase.

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:14

N tili i kɛ Nyanmiɛn i wawɛ'n wo ɔ nun nan a si sa'm be bo, yɛ a si ngwlɛlɛ nan a si sa dan.

Matthieu 13:13

I sɔ'n ti yɛ n kan ndɛ'm be nyanndra nun kle be nin-ɔn, afin kɛ be wun i'n, be wun-mɛn i wlɛ.

Jean 1:9

Like sɔ'n yɛ man sran'm be wun ase sakpa-a. Kɛ ɔ bali mɛn nun'n, ɔ man sran'm be kwlaa be wun ase .

Jean 21:17

Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

Efɛzfuɛ Mun 3:5

Lalafuɛ nun'n, sa sɔ'n Nyanmiɛn yi-mɛn i nglo kle-man sran mun kɛ ndɛ ɔ man i Wawɛ'n yi i nglo kle i sran'm bɔ Jésus sunmannin be'n nin i nuan ijɔfuɛ mun'n sa.

Mmla'n 29:28

Nvialiɛ nun like mun'n, Anannganman e Nyanmiɛn'n i kunngba cɛ yɛ ɔ si be-ɔ. Like nga kusu b'ɔ tikeli bé su kle ye'n, be ti e nin e osu nunfuɛ mun e liɛ tititi kɛ ɔ ´yo nan y'a nanti mmla nga nun ndɛ'm bé su'n ti.

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

1 Jean 1:5

Ndɛ nga i Wa'n kan kleli ye'n, bɔ e ´kan kle amun'n yɛ: «Nyanmiɛn ti nyannyannyan, aosin'n kwla mɛntɛn-mɛn i mlɔnmlɔn.»