Daniɛl 2:21 - NYANMIƐN NDƐ'N 1998

²¹ I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 2:21 ပူးပေါင်းရင်းမြစ်များ

1 Famiɛn Mun 10:24

Sran'm be fin asiɛ'n i lika kwlaa nun be ba Salomɔn wun wunlɛ, be ba kɛ be wa ti ndɛ ng'ɔ kan be mun, afin ngwlɛlɛ nga Nyanmiɛn fa mɛnnin i'n yɛ ɔ fa kan-an.

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

1 Be Nyoliɛ 22:12

Sɛ Anannganman fa wɔ sie Izraɛlfuɛ'm be su kɛ a sie be'n, man ɔ man wɔ ngwlɛlɛ nan w'a kwla fa fɛ i mmla'm be su.

1 Be Nyoliɛ 29:30

David sielɛ'n i wun ndɛ'n kwlaa, nin yakpa ninnge ng'ɔ yoli be mun, nin sa nga be juli Izraɛl mɛn'n nun i blɛ su'n, ɔ nin sa nga be juli mɛn kun nga'm be kwlaa be nun i blɛ su'n, sa sɔ'm be ti klɛwa fluwa sɔ'm be nun.

Ɛstɛr 1:13

Yɛ famiɛn'n yiali be nga be ti ngwlɛlɛfuɛ nin be bɔ be si sa mun-ɔn. Sɛ ndɛ tɔ'n, mmla sifuɛ nin sa sifuɛ'm be yɛ famiɛn'n yia be yɛ be kan-an.

Zɔb I Nyrɛnnɛn Wunlɛ 12:18

Ɔ yi famiɛn'm be cisu'n b'ɔ ti be sielɛ'n i nzɔliɛ'n, yɛ ɔ fa kanga'm be nyanman liɛ'n yɛ ɔ fa kaci i-ɔ.

Ezipt Lɔ Tulɛ'n 31:3

N fali min wawɛ'n m mɛnnin i kɛ ɔ `sie i yɛ ɔ `mɛn i akunndan nin ngwlɛlɛ, ɔ nin sa silɛ kɛ ɔ `si junman wafa-wafa kwlaa di.

Ezipt Lɔ Tulɛ'n 31:6

Ɔɔliab b'ɔ ti Aizamak i wa'n, b'ɔ ti Dan akpasua'n sufuɛ'n, n fɛli i ukɛli i su. Yɛ amun ajuin difuɛ'm be kwlaa nga be si like yo'n, min bɔbɔ yɛ m mannin be i sɔ ngwlɛlɛ nin-ɔn, kɛ ɔ ´yo nan b'a kwla yo i kwlaa nga n seli wɔ kɛ a yo'n ti.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 11:6

Kɛ ɔ di afuɛ nnyɔn kun'n, bé nuan wa sɛ. Famiɛn ng'ɔ o ngua wa'n, i wa bla'n ɔ wa ja famiɛn ng'ɔ o nglo lɔ'n yɛ be afiɛn'n ´sɛ. Sanngɛ bla sɔ'n, i kwlalɛ b'ɔ lɛ i'n ɔ su cɛ-mɛn i sa nun. I wun'n su tran-man nguan nun yɛ i mma'm be kusu be ´wu. I blɛ sɔ nun'n bla'n ɔ ´wu wie. I wunfuɛ'm be kwlaa, i si o, i wun o, be ´wu.

Daniɛl 2:20

Ɔ mɛnmɛnnin i seli kɛ: «Man be la Nyanmiɛn i ase titi, nán be yaci i le! Ngwlɛlɛ'n nin fanngan'n be ti i liɛ.

Daniɛl 2:23

Min nannan'm be Nyanmiɛn, n ´la wɔ ase, m ´manman wɔ sa wlɛ wunlɛ nin wunmiɛn bɔ a mannin min'n ti. A fali like nga e srɛli wɔ'n a kleli min, a kle ye like nga famiɛn'n kunndɛ kɛ ɔ ´si i'n.»

Daniɛl 2:9

Sanngɛ sɛ amu'an kan-man laliɛ'n b'a kle-man min'n, amun wa wun sa nga n ´fa wla amun kwlaa amun nun'n. ?Yoo, amun kwlaa amu'an cici nan amun ´kan ato nin gblɛ ndɛ mun ´kle min? Amun `kanngan laliɛ'n be kle min, i liɛ'n n ´si kɛ amun kwla tu i bo'n kusu be gua su.»

Daniɛl 4:14

Anz mun yɛ be kan ndɛ nga-a, kɛ ɔ ´yo nan be kwlaa nga be nyin o su'n b'a si kɛ Nyanmiɛn b'ɔ o nglo-nglo lɔ'n yɛ ɔ sie sran'm be famiɛn diwlɛ mun'n ti. Sran kwlaa nga i klun klo kɛ ɔ ´fa famiɛn bia'n ´fa mɛn i'n, yɛ ɔ fa mɛn i-ɔ. Ɔ kwla man sran'm be nun aunnvuɛfuɛ kpa'n i su bɔbɔ.

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 4:22

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. Nyansue'n ɔ wa bo wɔ. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun-ɔn, nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Rɔmfuɛ Mun 13:1

Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»