Daniɛl 2:20 - NYANMIƐN NDƐ'N 1998

²⁰ Ɔ mɛnmɛnnin i seli kɛ: «Man be la Nyanmiɛn i ase titi, nán be yaci i le! Ngwlɛlɛ'n nin fanngan'n be ti i liɛ.

Daniɛl 2:20 ပူးပေါင်းရင်းမြစ်များ

Bo Bolɛ 14:20

Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .» Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

2 Be Nyoliɛ 20:21

Zozafat nin sran'm be kwlaa bé bo yoli kun be fali jue tofuɛ'm be nun wie mun. Be waan be `wla bé wun Nyanmiɛn sulɛ ninnge mun, be `dun mmua sonja'm be nyrun, nan be `sro jue kɛ: «Man e manman Anannganman, afin i aunnvuɛ silɛ'n wo lɛ titi.»

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Zɔb I Nyrɛnnɛn Wunlɛ 12:13

Sanngɛ Nyanmiɛn liɛ'n, ngwlɛlɛ'n nin kwlalɛ bɔ be kwla'n, ɔ nin sa silɛ'n i wafa'n kwlaa be ti i liɛ.

Jue Mun 113:1

An `manman Anannganman! Amun bɔ an su Anannganman'n, an `mɛnmɛn i. An `bo flɛ Anannganman.

Jue Mun 113:2

Man be la Anannganman i ase tititi, nán be yaci i ase lalɛ le.

Jue Mun 115:18

Sanngɛ e liɛ'n, kɛ ɔ fin ndɛ'n, e ´la Anannganman i ase tititi, e su yaci-mɛn i le. Amun `manman Anannganman!

Jue Mun 147:5

E Min'n ɔ ti dan, i wunmiɛn'n ɔ cɛnnin. I ngwlɛlɛ'n ɔ lɛ-man tiwa.

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Jue Mun 62:11

Nán amun fa bé wla gua sa kekleekle'm bé yolɛ'n su. Ninnge nga be fɛ i be wue kekle su'n, nán amun sunnzun kɛ amun ´nyan like nun. Kannzɛ amun nyan amún wun kɔ amun nyrun'n, nán amun fɛ i sɔ'n cici amun wla.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Ezekiɛl 28:3

A bu i kɛ, Daniɛl i ngwlɛlɛ liɛ'n ɔ ju-man ɔ liɛ'n nun, nan like fi ti-man fiawa ɔ nyrun.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

Sa nglô yile 5:12

Be kpan kekle, be se kɛ: «Kɛ Nyanmiɛn man Bua Gbanflɛn bɔ be kunnin i'n ɔ kwla'n, b'ɔ mɛn i anyanbeun'n, b'ɔ man ɔ si ngwlɛlɛ'n, b'ɔ mɛn i wunmiɛn'n, bɔ be yɛyɛ i'n, bɔ be yi i ayɛ be mɛnmɛn i'n, i kwlaa sɔ'n ti i su.»