Daniɛl 2:14 - NYANMIƐN NDƐ'N 1998

¹⁴ Daniɛl kannin ndɛ kleli Arzɔk b'ɔ ti famiɛn'n i sonja nga be di i gladi'm bé su kpɛn'n b'ɔ bali Babilɔni lɛ kɛ ɔ ´kun sa sifuɛ mun'n. Ɔ kɛnnin i ngwlɛlɛ su.

Daniɛl 2:14 ပူးပေါင်းရင်းမြစ်များ

Bo Bolɛ 37:36

Madianfuɛ'm be kusu be fali Zozɛf be ɔli Ezipt, be yoli i atɛ Ezipt famiɛn'n i mantanfuɛ kun i sa nun. Be flɛ bian sɔ'n kɛ Potifar. Ɔ ti gladi difuɛ'm be su kpɛn.

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Zeremi 52:12

Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Zeremi 52:14

Babilɔni sonja nga be nin gladi difuɛ'm be su kpɛn'n bali'n, be bubuli talɛ ng'ɔ si Zerizalɛm klɔ'n i wun'n i ngba.

Daniɛl 2:15

Ɔ usali Arzɔk kɛ: «?Ɔ yo sɛ ti yɛ famiɛn'n i sran'm be fɔ nga i waan ɔ ´tu'n ɔ yo sro sɔ-ɔ?» Yɛ Arzɔk tiketikeli ndɛ'n su kleli i-ɔ.

Daniɛl 2:24

Kɛ ɔ yoli sɔ'n, Daniɛl ɔli Arzɔk bɔ famiɛn'n seli kɛ ɔ `kun Babilɔni lɔ sa sifuɛ mun'n i wun lɔ. Kɛ ɔ juli lɔ'n, ɔ seli i kɛ: «Nán kun Babilɔni sa sifuɛ mun. Dun mmua min nyrun nan e wɔ famiɛn'n wun lɔ, nan n `ko tu i laliɛ'n i bo m mɛn i.»