Daniɛl 2:13 - NYANMIƐN NDƐ'N 1998

¹³ Be nga be si akunndan nun sa mun'n be kunlɛ ndɛ'n ɔ truli lika'n kwlaa. Sa sifuɛ mun be yɛ be su wa kun be yɛ. Be su kunndɛ Daniɛl nin i janvuɛ mun nan be ´kun be wie.

Daniɛl 2:13 ပူးပေါင်းရင်းမြစ်များ

Jue Mun 94:20

Jɔlɛ difuɛ tɛtɛ nga be kle sran'm be nyrɛnnɛn, sanngɛ wuun mmla'n wo bé sa nun, a nin bé bo ti-man kun.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Daniɛl 2:24

Kɛ ɔ yoli sɔ'n, Daniɛl ɔli Arzɔk bɔ famiɛn'n seli kɛ ɔ `kun Babilɔni lɔ sa sifuɛ mun'n i wun lɔ. Kɛ ɔ juli lɔ'n, ɔ seli i kɛ: «Nán kun Babilɔni sa sifuɛ mun. Dun mmua min nyrun nan e wɔ famiɛn'n wun lɔ, nan n `ko tu i laliɛ'n i bo m mɛn i.»

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.