Daniɛl 2:12 - NYANMIƐN NDƐ'N 1998

¹² I osu ti, famiɛn'n fali ya dan kpa, yɛ i waan be `kun Babilɔni lɔ sa sifuɛ'm be kwlaa.

Daniɛl 2:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Nyanndra Mun 16:14

Sɛ famiɛn kun fa ya'n, ɔ kwla kun sran, sanngɛ sɛ ngwlɛlɛfuɛ'n ɔ kpɛtɛ i lele'n, ɔ yaci.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 20:2

Kɛ famiɛn kun ko fa ya'n, ɔ yo sro kpa kɛ asɔmɔli sa. Ɔ min kun nga a klɔklɔ famiɛn'n, wuun ɔ ti kɛ a su kunndɛ ɔ wie.

Nyanndra Mun 29:22

Sran nga i anwlɛn ti fufu'n, ɔ kpɛ utre ba. Nga b'ɔ ti nyannyrinfuɛ'n ɔ yo sa tɛtɛ sunman.

Daniɛl 2:24

Kɛ ɔ yoli sɔ'n, Daniɛl ɔli Arzɔk bɔ famiɛn'n seli kɛ ɔ `kun Babilɔni lɔ sa sifuɛ mun'n i wun lɔ. Kɛ ɔ juli lɔ'n, ɔ seli i kɛ: «Nán kun Babilɔni sa sifuɛ mun. Dun mmua min nyrun nan e wɔ famiɛn'n wun lɔ, nan n `ko tu i laliɛ'n i bo m mɛn i.»

Daniɛl 2:5

Famiɛn'n waan: «Nga m'an gugu'n yɛlɛ kɛ sɛ amun bɔbɔ amu'an kwla kanngan-man laliɛ nga n cɛnnin'n nan amu'an tu-mɛn i bo ɔ'a gua-man su'n, be ´tra amun be ´kpɛkpɛ amun nun kpokpokpo yɛ amún sua'm be ´kaci sua nvuɛn.

Daniɛl 3:13

Nɛbikadnɛzar fali ya dan kpa, nan ɔ'a sunman sran kɛ be ko fa Sadrak nin Mesak, ɔ nin Abɛd-Nego be `bla. Yɛ be ko fali be blɛli i-ɔ.

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Matthieu 2:16

Kɛ Erɔd wunnin kɛ sa sifuɛ'm b'a lɛkɛ i'n, ɔ fali ya dan kpa. Ɔ man ɔ sunmannin sran kɛ be wɔ Bɛtleɛm nin i akpasua'n kwlaa su. I waan be nian blɛ nga sa sifuɛ'm be kleli i'n su be kun ba yasua nga b'a di afuɛ nnyɔn'n nin nga be nian di-man afuɛ nnyɔn'n be kwlaa.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.