Daniɛl 12:8 - NYANMIƐN NDƐ'N 1998

⁸ M bɔbɔ min Daniɛl, n tili ndɛ sɔ mun, sanngɛ m'an wun-man be wlɛ. I sɔ ti nan m'an usɛ i kɛ: ‹?Nannan, sa sɔ'n i bo wa gua sɛ?›

Daniɛl 12:8 ပူးပေါင်းရင်းမြစ်များ

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 12:6

Kun kannin ndɛ kleli bian nga bɔ lɛn tannin tralɛ wo i wun'n b'ɔ o nzue'n su'n. Ɔ usɛli i kɛ: ‹?Blɛ onin yɛ abonuan ninnge nga'm be wie-ɔ?›

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 12:9

Ɔ tɛli min su kɛ: ‹Daniɛl kɔ, nán ɔ klun titi wɔ, afin ndɛ sɔ'm be ´yo fiawa lele san awieliɛ blɛ'n ɔ ´ju.

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

JÉSUS-CHRIST I DYASIN FE'N BO LUC KLELI'N 18:34

Sanngɛ b'a wun-man ndɛ sɔ'n b'ɔ kannin'n wie fi wlɛ, ɔ'a yo-man weiin be nyrun, ɔ man b'a si-mɛn i bo.

Jean 12:16

Kɛ ɔ ´yo sɔ'n, i sɔnnzɔnfuɛ'm be wun-man sa sɔ'n i wlɛ, sanngɛ kɛ Nyanmiɛn yili Jésus i sran wafa ng'ɔ ti'n i nglo'n, ɔ kpɛnnin be klun kɛ be klɛli i wun ndɛ'n nun kɛ be ´yo i sɔ, ɔ man kɛ be yoli i sɔ'n, ɔ kpɛnnin su.

Sa nga bé yôli'n 1:7

Ɔ seli be kɛ: «Cɛn sɔ'n nin blɛ sɔ'n bɔ e Si bɔbɔ sieli'n, ɔ ti-man amun ndɛ su.

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.