Daniɛl 12:7 - NYANMIƐN NDƐ'N 1998

⁷ Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 12:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 27:2

N kan Nyanmiɛn b'ɔ kwla like kwlaa yo'n, b'ɔ bu min lufle b'ɔ wla min klunngbɔ'n.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Ezekiɛl 20:5

Se be kɛ: ‹Anannganman Nyanmiɛn wan yoo: Cɛn nga bɔ n ´fa Izraɛl'n, m mannin mín sa su n tali nda kleli Zakɔb i osu nunfuɛ sɔ mun, n fali mín wun kleli be kɛ be o Ezipt lɔ'n. M mannin mín sa su n kleli be, n seli kɛ: Min ti Anannganman amun Nyanmiɛn.

Daniɛl 10:5

M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Daniɛl 11:13

Siri famiɛn'n wa yia sonja uflɛ mun, be kpanngban ɔ ´tra klikli liɛ mun. Kɛ ɔ di afuɛ nnyɔn kun'n, ɔ nin alɛ kunfuɛ sɔ'm be ´sa be sin be nin be alɛ ninnge ngbli-ngbli mun.

Daniɛl 12:6

Kun kannin ndɛ kleli bian nga bɔ lɛn tannin tralɛ wo i wun'n b'ɔ o nzue'n su'n. Ɔ usɛli i kɛ: ‹?Blɛ onin yɛ abonuan ninnge nga'm be wie-ɔ?›

Daniɛl 12:8

M bɔbɔ min Daniɛl, n tili ndɛ sɔ mun, sanngɛ m'an wun-man be wlɛ. I sɔ ti nan m'an usɛ i kɛ: ‹?Nannan, sa sɔ'n i bo wa gua sɛ?›

Daniɛl 4:31

Nɛbikadnɛzar waan: «Kɛ afuɛ nso nga be kleli'n juli'n, m mannin mín nyin'n su n niannin nyanmiɛn su lɔ, kpɛkuun min klɔ sran ngwlɛlɛ'n ɔ sɛli i sin i osu'n nun kɛ laa'n sa. N yoli Nyanmiɛn bɔ like fi nun-mɛn i sin'n b'ɔ o lɛ tititi'n i kwla, m mɛnmɛnnin i, yɛ n kannin i anyrunnyan'n i wun ndɛ kpa. I kwlalɛ'n lɛ-man awieliɛ, i sielɛ'n wo lɛ tititi.

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 7:21

Nnɛn'n i wɛ sɔ'n, kɛ n ´niɛn i'n, wuun ɔ nin Nyanmiɛn i nvle nunfuɛ'm be su kun alɛ . I sa tili be.

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 8:14

Anz klikli'n tɛli su kɛ: ‹Ɔ fata kɛ nglɛmun nin nnɔsua, nglɛmun nin nnɔsua sɔ lele akpi nnyɔn ya nsan (2.300) be sin kwlaa nan Nyanmiɛn i tranwlɛ'n ɔ'a yo saun ekun.› »

Daniɛl 8:24

I tinmin'n wa yo dan kpa, sanngɛ nán kɛ tinmin sɔ'n fin i bɔbɔ ti-ɔ. Ɔ wa saci ninnge mun kpa, like kwlaa ng'ɔ wa yo'n, ɔ ´yo ye i sa nun. Ɔ ´nunnun sran nga be ti tinwa mun nin Nyanmiɛn i nvle'n nunfuɛ mun bɔbɔ .

JÉSUS-CHRIST I DYASIN FE'N BO LUC KLELI'N 21:14

I sɔ'n ti'n, an `fa sie amun klun kpa, nán an dun mmua bu ndɛ nga amun ´kan nan amu'an nyan amún ti'n i akunndan.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Mmla'n 32:40

M man mín sa'n su nglo yɛ n se kɛ: N wo nguan nun tititi.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .

Sa nglô yile 12:6

Bla sɔ'n wanndi ɔli aawlɛ flɛnnɛn nun lɔ. Nyanmiɛn mɛnnin i tranwlɛ kun lɔ kɛ be mɛn i like diwa lɔ cɛn ba akpi kun cɛn ba ya nnyɔn cɛn ba ablesiɛn (1.260).

Sa nglô yile 13:5

Be mɛnnin i atin kɛ ɔ ´ijɔ kpakpa, yɛ ɔ ´saci Nyanmiɛn dunman. Yɛ be mɛnnin i atin kɛ ɔ ´sie anglo ablanan-nin-nnyɔn .

Sa nglô yile 4:10

wuun kpɛnngbɛn ablaɔn-nin-nnan'm be kusu be koto sran ng'ɔ ti bia'n su sɔ'n i bo, wuun be manman sran sɔ'n b'ɔ o lɛ titi'n. Kɛ be ´tu be sika kle'n be ´to gua bia'n i wun lɛ'n, be se kɛ:

Sa nglô yile 4:9

Kɛ like nnan sɔ'n be ´yi sran ng'ɔ ti bia'n su b'ɔ o lɛ tititi'n i ayɛ, bɔ be ´mɛnmɛn i be ´lɛ i ase'n ,