Daniɛl 12:4 - NYANMIƐN NDƐ'N 1998

⁴ Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Daniɛl 12:4 ပူးပေါင်းရင်းမြစ်များ

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 29:11

Ninnge sɔ'm bé wlɛ wunlɛ'n ti kekle amun sa nun. Ɔ ti kɛ fluwa bɔ be ta su like b'ɔ kle kɛ nán be tike su, sanngɛ bɔ be fa man sran ng'ɔ si kanngan'n kɛ ɔ kanngan'n sa. Kpɛkuun be se i kɛ: «Kanngan!» Yɛ ɔ tɛ su kɛ: «N kwla kanngan-man, afin b'a ta su like b'ɔ kle kɛ nán be tike su.»

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Ezai 32:3

Be nga be nyinma'n gua su'n, ɔ su si-man. Be nga bé su'n ti tikewa'n, be ´sie be su.

Ezai 8:16

Fa min ndɛ nga mun sie kpa, ta su min sɔnnzɔnfuɛ'm be nyrun.

Zeremi 5:1

Anannganman waan: «An `wlan-wlan Zerizalɛm akpɔ'm be su. An `nian-nian, an `usa usa. An `nian anyia lika'm be nun. Sɛ amun wun sran wie b'ɔ fa mmla su bɔ nanwlɛ atin'n yɛ ɔ kunndɛ fa'n, n ´yaci Zerizalɛm i wun sa'n n cɛ i .»

Daniɛl 10:1

Siris b'ɔ ti Pɛrs famiɛn'n i sielɛ'n i afuɛ nsan su'n, Nyanmiɛn kannin ndɛ kun kleli Daniɛl b'ɔ suan Bɛltsazar'n. Ndɛ sɔ'n ti nanwlɛ. Ɔ kan alɛ dan kpa kun b'ɔ wa tɔ'n i ndɛ. Daniɛl buli i akunndan kpa yɛ ɔ wunnin i bo. Aolia nun like b'ɔ wunnin i'n ti yɛ ɔ wunnin i bo nin-ɔn .

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 10:21

Sran fi su uka-man min nan e nin kpɔfuɛ sɔ mun y'a kun, san anz Mikaɛl b'ɔ ti Izraɛl i sasafuɛ'n yɛ ɔ ´uka min-ɔn.› »

Daniɛl 11:33

Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Daniɛl 11:40

Blɛ'n i awieliɛ lɔ'n, Ezipt famiɛn'n ɔ nin i be ´kun, yɛ Siri famiɛn'n kusu wa fa kakaklolo mun, nin nnɛn kpanngɔ mun, nin mmeli kaka kpa ɔ ´ba kɛ aunngban dan sa. Ɔ ´fa i sonja'm be ´wlu mɛn kaka nun, be ´kpɛ mɛn'm be anyialiɛ mun kɛ nzue bɔ ɔ'a yi dan b'ɔ su sonji'n sa.

Daniɛl 12:13

Yɛ wɔ Daniɛl, ɔ liɛ'n, tra wɔ anwlɛn lele fa ju awieliɛ lɔ. A wa de wunmiɛn. I sin a wa jaso ko fa wɔ akatua'n mɛn'n i awieliɛ lɔ .› »

Daniɛl 12:5

«Blɛ bɔ n ´nian aolia nun like sɔ'n, sran uflɛ nnyɔn be fiteli. Kun jin nzue'n i bue kun wa, yɛ kun jin i bue kun lɔ.

Daniɛl 12:9

Ɔ tɛli min su kɛ: ‹Daniɛl kɔ, nán ɔ klun titi wɔ, afin ndɛ sɔ'm be ´yo fiawa lele san awieliɛ blɛ'n ɔ ´ju.

Daniɛl 8:17

Gabriɛl bali lika nga n wo nun'n i wun koko lɛ. Kɛ ɔ mantannin min'n, srɛ dan kpa kunnin min, yɛ n utuli mín nyin ase-ɔ. Ɔ seli min kɛ: ‹Wɔ, klɔ sran, si kɛ like nga a wunnin i lɛ'n, ɔ ti mɛn'n i awieliɛ'n i wun ndɛ.›

Daniɛl 8:19

I sin ɔ seli min kɛ: ‹B'a sie blɛ kun bɔ Nyanmiɛn i ya'n ɔ wa jɔ, bɔ mɛn'n ɔ wa wie-ɔ. I sɔ blɛ'n i nun'n, sa nga be wa ju'n mun yɛ n wa tike be su n ´kle wɔ lɛ-ɔ.

Daniɛl 8:26

Aolia nun sraka nga be yi i nnɔsua nin nglɛmun nga a wunnin be'n, be ti nanwlɛ. Sanngɛ ɔ liɛ'n, man ninnge sɔ nga a wunnin be lɛ'n be ka ɔ klun lɔ, afin ɔ ti blɛ ng'ɔ ba mmua-mmua lɔ'n i nun ndɛ mun.›

Matthieu 24:14

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Sa nglô yile 10:4

Kɛ ɔ sɔli su sɔ'n, min wan n ´klɛ, sanngɛ n tili sran kun nɛn nyanmiɛn su lɔ, sran sɔ'n seli n kɛ: «Kɛ nyanmiɛn'n kplali kpɛ nso'n, ndɛ ng'ɔ kannin'n, fia su, nán klɛ.»

Sa nglô yile 22:10

I sin ɔ seli min ekun kɛ: «Sa nga be wa ju bɔ be o fluwa nga nun'n, nan fia bé su! Afin sa sɔ'm bé cɛn'n su wa ju.

Sa nglô yile 5:1

I sin, n wunnin fluwa kun be nyɔnnyɔnnin i'n, be klɛli i klun nin i sin'n, ɔ o sran ng'ɔ ti bia'n su'n i sa fama'n nun. Be cicili i nin like nso .