Daniɛl 12:3 - NYANMIƐN NDƐ'N 1998

³ Sran ngwlɛlɛfuɛ'm be ´yo nyɛnmɛn kɛ nyanmiɛn su lɔ'n fa yo klanman'n sa. Be nga be kle sran'm bé Nyanmiɛn i atin'n, be ´kpaja kɛ nzraama'm be sa tititi.

Daniɛl 12:3 ပူးပေါင်းရင်းမြစ်များ

Ezipt Lɔ Tulɛ'n 34:35

Izraɛlfuɛ'm be nian Moiz i nyrun'n, be wun i kɛ i nyrun'n ti nyannyannyan. Kpɛkuun Moiz kɛtɛ i nyrun'n su ekun lele san kɛ ɔ ´kɔ Nyanmiɛn sin be ´ko koko yalɛ'n yɛ ɔ tike su ekun-ɔn .

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Nyanndra Mun 3:35

Anyrunnyan'n ti akunndanfuɛ'm be liɛ. Be nga be wun-man sa wlɛ'n kusu nyannzuɛn dan'n ti be liɛ.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Akunndanfuɛ'n 12:9

Ng'ɔ o su ekun'n yɛlɛ kɛ akunndanfuɛ'n ɔ kleli nvle'n nunfuɛ'm be ninnge silɛ. Ɔ sieli i su ndɛ'm bé bo, ɔ siesieli nyanndra kpanngban kpa.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Zeremi 23:22

Sɛ ɔ ti kɛ e nin min sran mun e ´koko e yalɛ-ɔ be trɛnnin i bo'n, wuun ndɛ nga e kannin'n be ko kan kleli min sran mun man be yacili ajalɛ tɛ tulɛ'n, wuun be guali be aeliɛ tɛtɛ'm be ase.»

Daniɛl 11:33

Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Daniɛl 11:35

Be ´kun ngwlɛlɛfuɛ'm be nun sran kpanngban. Be wulɛ'n ɔ ´yo nvle nunfuɛ'm be saun, ɔ ´yo be jrɛiin, yɛ ɔ ´yo be weiin, lele awieliɛ'n ´fa ju. Afin kɛ ɔ ´yo sɔ'n, wuun awieliɛ'n nian ju-man.

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 24:45

«?Sran kpa nanwlɛfuɛ b'ɔ si ngwlɛlɛ'n bɔ i min'n fɛ sie i sran'm bé su kɛ ɔ man be aliɛ blɛ ng'ɔ ti i nuan su'n i su'n, yɛlɛ wan?

Jean 4:36

B'a bo awie kpɛfuɛ'n i kalɛ tualɛ'n bo, yɛ ɔ ´tiɛn i nuan minndɛ Anannganman nguan'n nan sran ng'ɔ gua awie'n nin i kpɛfuɛ'n be nnyɔn'n be klun `jɔ.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

Sa nga bé yôli'n 13:1

Asɔnun ng'ɔ o Antiɔs lɔ'n, Nyanmiɛn nuan ijɔfuɛ mun nin like klefuɛ'm be o nun. Be yɛ: Barnabas yɛ Simɔn bɔ be flɛ i Nizɛr'n, Lisiis b'ɔ fin Sirɛni'n, Manaɛn bɔ nin Erɔd b'ɔ sie nvle'n i bue'm be kaan nun be tran awlo kun nun'n, yɛ Sɔl.

1 Korɛntfuɛ Mun 3:10

Nyanmiɛn klun-ufue'n ti m'an yo kɛ sua kplanfuɛ b'ɔ si sua kplan sa, n wlali sua'n i bo ase, yɛ sran uflɛ su taka su. Sanngɛ man sran ng'ɔ taka su'n, ɔ niɛn i wafa ng'ɔ fa taka su'n i su kpa.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Hébreu 5:12

Amu'an cɛ, yɛ amu'an ju sran uflɛ'm be like klelɛ, sanngɛ kusu an tɛ kunndɛ kɛ be fa Nyanmiɛn ndɛ'n i bo bolɛ'n kle amun ekun. Amun ti sran bɔ amun nin nyɔnflɛn nɔnlɛ fata, an kwla di-man aliɛ.

2 Piɛr 3:15

An `nian e Min'n i anwlɛn b'ɔ trɛ amun wun'n, amún ti nyanlɛ ti-ɔ. E niaan Pɔl b'ɔ ti e sran kpa'n, bɔ Nyanmiɛn mɛnnin i ngwlɛlɛ'n, kɛ ɔ klɛ i sɔ blɛli amun-ɔn.

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.